ساعدوني بحلول لمشكلة سخونة العربية

**دكتور عمرو** · 04-06-2014 10:41 AM

انا معايا اسكورت 99 كربراتير 1600 سي سي
مشكلتى مع العربية انها بتسخن لو وقفت بيها فى زحمة الكورنيش مثلا وقت الظهيرة
او فى الزحمة فى الوصلة اللى بني قليوب والدائري او شبرا الخيمة دلوقتى وكتير منكوا اكيد عارف ان الاماكن دي بتمشي فيها على الاول شوية وتقف وهكذا

- انا غيرت طلبمة المياه
- شيلت مقاومة كانت متركبة على المروحة خليت المروحة تشتغل 3 اضعاف سرعتها القديمة
- نضفت دورة التبريد وحطيت مياه خضراء وبتابع المياه فى القربة والميا مش بتنقص
- انا عارف ان طبيعة العربية انها تسخن بس مش لدرجة انها تكون على آخر الطبيعي فى المؤشر .... يعني بتكون على نهاية حرف L فى كلمة normal بتاعت مؤشر الحرارة ... وكل ده والعرية مش فيها تكييف طب امال لو ركبت الكباس والتكييف اشتغل هتسخن ازاى

اذا سمحتوا حد يعرف اى حلول جديدة لمشكلة سخونة العربية دي ؟
لان العربية ممتازة جدا وبغض النظر عن مشكلة السخونة اللى قلقان منها فالعربية مريحانى جدا والحمد لله بس مشكلتى انى اشتريتها عشان بسافر بيها كل يوم فى بلد ومش عايز اضطر ابيعها واشوف موديل تانى يكون مش بيسخن كدا

**Ramadan Kader** · 04-06-2014 10:57 AM

لازم ترجع المقاومه بتاعت المروحه تاني . لأنك كده بتشغل السرعه العليا متأخر. سيبك كده من شغل الفيات مينفعش مع الفورد. أخر كلمة نورمال معنها انك مش مشغل السرعه الأولى للتبريد. المقاومة مش هتلاقيها غير أستيراد بحوالى 75جنية وكنت وفرت كل الى انت عملته الريداتير اغسله مره فالسنه فدخلة الصيف لو انت بتمشي فى طرق فيها تراب و طين خليها 3 مرات.

**Ramadan Kader** · 04-06-2014 11:02 AM

وعلى فكره طول م انت على كلمة نورمال ده عادي. بس لما توصل لأخر كلمة نورمال معناه ان عندك مشكله فالتبريد ممكن تكون مقاومة المروحه او الريداتير مش بتاعها او الماتور معمل له عمره قبل كده و طبعا التقفيل مش صح بخليها تسخن شويه عن النص عند حرف ال a. بس ده عادي.