كاسترول gtx سيئ صوت عالى ورعشة...افيدونى رجاااااءا؟؟؟

**Dr.Ayman000** · 06-06-2014 08:58 AM

امبارح نزلت الزيت اللى كنت حاطه موبيل xhp بعد 3500ك وقلت اجرب كاسترول فجيبت كاسترول gtx من بنزينة طاقه على الرزاعى ب130جنيه ..بس للاسف بعد ماحطيته لقيت صوت العربية مش حلو وبعد ما ممشيت عليه حاجه بسيطة لقيت فى رعشة خفيفة كده وصت الموتور اعلى من العادى .......هل ممكن يكون مضروب ؟؟ بس الزيت متبرشم وعليه علامة كاسترول المائية على الغطاء الداخلى ... ارجوكم افيدونى سريعاااا لانى خايف بصراحة انه ممكن يبوظ حاجة وتنصحونى بايه ؟؟ اغيره وخلاص ؟؟
انا اسف على الاطالة ... واتمنى حد يقولى اعمل ايه !!

**borio1704** · 06-06-2014 03:17 PM

لازم تتأكد إن الزيت مناسب لموتور عربيتك قبل ما تشتريه

مشكلة عربيات الفولزفاجن والاسكودا والسيات إنهم محتاجين زيوت خاصة معتمدة من شركة فولزفاجن

لو مستريح على نوع زيت.. رأيي ما تغيروش

ولو ضروري عايز تغير.. اتأكد من مواصفاته إن مطابق لمواصفات فولزفاجن المكتوبة في كتالوج عربيتك..

تقدر تعرف الموضوع ده من صفحة الزيت اللي عايز تشتريه على النت.. أو ممكن تتصل بخدمة العملاء بتاعة شركة الزيوت وهما يرشحولك زيت من عندهم..

**carrier** · 07-06-2014 02:50 AM

المشاركة الأصلية كتبت بواسطة borio1704

لازم تتأكد إن الزيت مناسب لموتور عربيتك قبل ما تشتريه

مشكلة عربيات الفولزفاجن والاسكودا والسيات إنهم محتاجين زيوت خاصة

ايه الكلام الغريب دا

ليه هيا عربيته فى فورملا1
او
2014

كامل احترامى وتحياتى

**borio1704** · 07-06-2014 01:19 PM

المشاركة الأصلية كتبت بواسطة carrier

ايه الكلام الغريب دا

ليه هيا عربيته فى فورملا1
او
2014

كامل احترامى وتحياتى

الناس اللي معاها عربيات ياباني وكوري معندهاش المشاكل بتاعت الزيت المخصوص

إنما أغلب العربيات الأوروبية والأمريكية محتاجة زيوت تكون معتمدة من الشركات المصنعة

الشركات دي هي:

مرسيدس-بنز (مرسيدس - سمارت)
مجموعة BMW) BMW - ميني - رولزرويس)
مجموعة فولزفاجن (فولزفاجن - أودي - سكودا - سيات - بنتلي - لامبورجيني)
مجموعة فيات (فيات - ألفا روميو - لانشيا - فيراري)
مجموعة PSA (بيجو - سيتروين)
رينو
مجموعة جنرال موتورز (شيفروليه - كاديلاك - بويك - GMC - أوبل - هولدن)
مجموعة فورد (فورد - ميركيوري - لينكولن)

عايز تعرف معلومات أكتر عن مواصفات الشركات للزيوت؟؟؟ ادخل على اللينك ده .. هتلاقي اسماء الشركات اللي ليها مواصفات خاصة في آخر الصفحة تحت.. oilspecifications.org - Lubricant standards and specifications

ولو عايز تعرف أكتر عن الزيوت.. اتفضل وادخل على الموضوع ده:
http://www.nilemotors.net/Nile/341680-a.html

...

**borio1704** · 07-06-2014 05:01 PM

المشاركة الأصلية كتبت بواسطة carrier

مع كامل احترامى وتقديرى لشخصكم

كلامك دا والمواصفه دى فنية مثالية فقط وهجص فى هجص دا شغل دعاية ومصالح هيا عربيات سبأ

ولا الكمبيوتر هيرفضه ويقول له ممنوع غير مناسب ويخلى العربية تبطل ....

وميخليش الموتور يبرجل ابدا ويرغش
دا
ضبط ميكانيكا وكهربة السيارة لا اكثر

ياراجل انت مقتنع ان كاسترول يبرجل موتور برده .... اكيد مغوش بالتلاته طبعا وتبريرك غير مقنع

غير مقنع؟؟

للأسف.. كتير مننا ما زال مقتنع إن المواصفات دي حاجة معمولة للناس اللي عايشة برا واحنا بنعرف نتعامل مع أي حاجة.

زي موضوع ثرموستات الكوعة اللي بيتشال مع أول مرة العربية تسخن فيها... ومحدش بيفكر يتعب نفسه ويحاول يدور على العيب فين.

وكل اللي أقدر أقولهولك.. افتح كام موضوع من اللي في قسم الزيوت وشوف الناس اللي بتشتكي من الزيوت... 90% معاهم عربيات أوروبية.

حضرتك ما شفتش المشكلة دي علشان عربيتك ياباني.

عالعموم.. واضح إن حضرتك ما فتحتش اللينك اللي أنا حطيته.

**lost2008** · 08-06-2014 09:54 AM

المشاركة الأصلية كتبت بواسطة borio1704

غير مقنع؟؟

للأسف.. كتير مننا ما زال مقتنع إن المواصفات دي حاجة معمولة للناس اللي عايشة برا واحنا بنعرف نتعامل مع أي حاجة.

زي موضوع ثرموستات الكوعة اللي بيتشال مع أول مرة العربية تسخن فيها... ومحدش بيفكر يتعب نفسه ويحاول يدور على العيب فين.

وكل اللي أقدر أقولهولك.. افتح كام موضوع من اللي في قسم الزيوت وشوف الناس اللي بتشتكي من الزيوت... 90% معاهم عربيات أوروبية.

حضرتك ما شفتش المشكلة دي علشان عربيتك ياباني.

عالعموم.. واضح إن حضرتك ما فتحتش اللينك اللي أنا حطيته.

كلام مظبوط جدا , بس للاسف فيه ناس كتير مش عاوزة تتعب نفسها فى القرائة و البحث و شكرا لمجهودك.

**borio1704** · 08-06-2014 02:56 PM

المشاركة الأصلية كتبت بواسطة dr.ayman000

الأخ الفاضل borio1704 شكرا جزيلا ياباشا على ردك و حضرتك عندك حق فى كلامك ... الزيت ده كاسترول gtx ومواصفاته 20w50 sl - ازاى اقدر اعرف اذا كان مناسب لعربيتى لانوس 2 .
وشكراااااا

القاعدة الذهبية... ارجع لكتالوج العربية.

ببساطة .. افتح صفحة الزيوت في قسم الصيانة في الكتالوج... واعرف منها المطلوب بالظبط بالنسبة لمستوى الخدمة واللزوجة..

وبعدين لما تيجي تشتري الزيت.. اتأكد الأول إن مواصفاته زي ما هي موجودة في الكتالوج

بالنسبة لللزوجة.. لازم تلتزم بالمكتوب في الكتالوج بالظبط... باختصار ..هو بيديك كذا اختيار وانت تختار منهم.

بالنسبة لمستوى الخدمة.. فالكتالوج بيديك أقل مستوى تلتزم بيه.. يعني ممكن تحط زيوت أفضل. .

ولو عايز معلومات أكتر.. ادخل على الموضوع في اللينك التاني في ردي قبل كده.

...

-

-

الموضوع: كاسترول gtx سيئ صوت عالى ورعشة...افيدونى رجاااااءا؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

صوت عالي اوي ورعشة جامدة -سيفيك 2008

صوت زنة ورعشة في الموتور

رجة شديدة ورعشة فى دركسيون التيجو ؟؟؟

الدينامو لو شحنه عالى ممكن يحرق البطارية افيدونى ولكم الشكر

السيور ورعشة اللانوس

الكلمات الدلالية لهذا الموضوع

المفضلات

المفضلات

ضوابط المشاركة