هل النيفا الجديدة تستحق الشراء؟

**tamerafifi** · 15-10-2008 10:50 AM

دى اول مشاركه لى فى نايل موتورز احب اهنى القائمين على الموقع لان انامكنتش اعرفو بس بقالى حوالى شهر بستفيد جدا من المعلومات ومشاركات الاعضاء ثانيا انا بفكر اشترى عربية جديدة وكنت بفكر فى نيسان صنى بس الفترة دى شفت النيفا الجديدة انا عارف ان لاوجه للمقارنه بين العربيتين بس المشكله دلؤتى فى شوارع مصر الزحمه والمطبات والقيادة بغباء فحسيت ان العربيه المناسبه فى مصر دلؤتى النيفا عربيه ناشفه الى عايز يخبطنى يتفضل ونشوف مين الخسران اما الصنى فعربيه محترمه وناعمه بس يتخاف عليها فى مصر فدلؤتى النيفا الجديدة تستاهل الشراءانتو عارفين ان الفلوس مش ساهله دلؤتى؟؟؟؟؟ يعنى عرفت انها باور وتكييف وانجكشن وزجاج كهرباء طيب متانتها وصيانتها وقطع الغيار فى المتناول باسعار مناسبه ؟ ولوحبيت ابيع بعد اربعة سنين مثلا هخسر كتير ؟ بفكر فى شراء النيفا الجديدة بس مش واخد القرار لسه ولكم شكرى

**tamerafifi** · 15-10-2008 05:08 PM

ليه البداية دى يا رجاله دا محدش قلى انت بتقول ايه؟ دى بداية مش مشجعه خالص ولا ممكن ان محدش بيحب الادا نيفا ؟؟ ممكن بردو

**hamdy** · 15-10-2008 05:16 PM

انا لو مكانك عمر ما افكر فيها يا راجل دولا حتي مكلفوش خطرهم يعملوا اي حاجة فيها بومبيه عشان تحس انك راكب عربية جديدة

**فادى** · 15-10-2008 05:59 PM

اللادا نيفا سيارة رائعة على الطرق غير المعبدة, متينة بشكل استثنائى, و قدراتها على الطرق الوعرة تضاهى سيارات يصل ثمنها الى الربع مليون,
و لكن فى المقابل فانها تفتقد للراحة و الأداء الجيد على الطرق العادية.
هى سيارة رائعة لو كنت تريد السير فى طرق غير معبدة, و تمارس هواية صدم الأخرين, أما لو كنت تريد سيارة للاستخدام اليومى, فيمكنك اختيار أى سيارة أخرى عادية, لو كنت عايز عربية تستحمل و أكثر متانة يمكنك اختيار سيارة اوروبية سيدان عادية, سوف توفر لك قدرا أكبر من الراحة و اداء أفضل على الطرق العادية.
السيارات الأوروبية عادة أكثر متانة من الأسيوية, ليس لانعدام الضمير لدى الأسيويين فقط, بل لأنهم يعانون من مشكلة كبيرة لديهم تتمثل فى نقص الموارد المعدنية.

**ramy_fiat_2000** · 15-10-2008 06:47 PM

ايه يا جماعه كلكم عليه كده ليه الراجل خايف على العربيه وخصوصا فى ظل القانون الجديد بلطج فى السواقه تنفد من الخناقه ههههههههههههههههههههههههه ه
محدش يزعل بهزر
المهم هيه النيفا جميله جدا وانا عن نفسى بحبها بس فيها مشكله ان شكلها هوه هوه مفيش جديد غير ان الموتور بقى انجيكشن زجاج كهرباء تكيف باور فتيس غرز موتور 1700 cc مش عارف يعنى ايه 1700 بس هوه ده الموتور بتاعها المشكله الاكبر سعرها بيبتدى من 65000 جنيه لــــــــــــــــــــــــ ـــــيه بشترى فيتارا ولا فيتارا ولا تكونش فيتارا

**NaderNabil** · 15-10-2008 08:39 PM

بعد اذن اللي يدافع عن النيفا الجديدة...بغض النظر عن متانتها الاستثنائية و قوتها الفريدة من نوعها ....ياريت يتفرج عليها بنفسه و يأخذ بعض الدقائق ليتفحصها عن قرب بعيدا عن الكلام المعسول و المديح....

السيارة متوفرة بمعرض المصرية للسيارات...كورنيش المعادي

**Nour_Peugeot** · 15-10-2008 09:04 PM

العربية يا جماعة لازم تعرفو انها ارخص عربية 4*4 في بلدنا 65 الف

و انا شايف بالكامليات الفيها و سعرها ده كويسه جدا

بس معروف ان اللادا مش هتحسحك بنفس الراحة في اي عربية تانيه يعني عفشها اقوي و انشف

من العربيات الياباني اما لو حضرتك لسه جديد في السواقة و مش هتاثر معاك الراحة اوووي

خلاص توكل علي الله

و علي فكره هي مش معني انها مش مريحه انها وحشه العربية اقل راحة من الياباني و الاوربي احسبها انت بقي

**speed demon666** · 15-10-2008 09:16 PM

طب يا ريت يا باشا بعد اذنك تقولنا ايه العيوب و الحسنات و احنا أصحاب القرار , أصل بصراحه انا ناوي إن شاء الله اجيب العربيه دي بس لسه مخدتش قرار نهاءي
أكون شاكر ليك لو وضحتلنا وجه نظرك

**ahmedsrs** · 15-10-2008 09:26 PM

لو حضرتك ساكن فى ريف او عندك ارض وبتحمل معاك عمال ومحتاج عربية شغل يبقى دى احسن عربية ممكن تجيبها لو فى المدينة ومشاويرك فى المدينة يبقى دى اسوء عربية ممكن تجيبها

**tamerafifi** · 15-10-2008 09:41 PM

شاكر لكل المساعدة وانا اسف انا لسه مخلص شغل وببص على النت دلؤتى اولا انا من سكان القاهرة ثانيا انا ماخدش القرار لغايه دلؤتى علشان انا مش مستقر انا هجيب قسط وإن شاء الله هبتدى فى اجراءات الورق من العمل عندى اول السنة دى يعنى بعد شهرين فعندى فترة كويسه استقر فيها على عربيه ربنا يوفقنا فيها انتو عارفين الفلوس بتيجى ازاى يا رجاله علشان كدا قلت افتح الموضوع على الموقع واعرف رئيكو

الموضوع: هل النيفا الجديدة تستحق الشراء؟

LinkBack

أدوات الموضوع

عرض

هل النيفا الجديدة تستحق الشراء؟ - انشر الموضوع فى :

-

-

-

-

-

-

-

-

-

المواضيع المتشابهه

تجربتى مع الصنى الجديدة و هل تستحق ام لا ؟

هل تستحق السيراتو الجديده كل هذا الاهتمام وهل تستحق 126 الف ؟

يا جماعة حد يقوللى اخبار النيفا الجديدة ايه

أريد معلومات عن النيفا الجديدة والقديمة

الكلمات الدلالية لهذا الموضوع

المفضلات

المفضلات

ضوابط المشاركة