الموضوع: تجربتى مع الصنى الجديدة و هل تستحق ام لا ؟

السلام عليكم جميعا اعضاء النتدى الكرام .

انا قريت كلام كتير عن الصنى الجديدة من اعضاء النتدي و حابب اناشارك معاكو بتجربتى عن العربية
ان اعيش فى قطر و قد بدا انتشار السيارة فى شهر مارس هنا فى قطر . و احتجت اؤجر عربية فكان ودهبت الى مكتب ايجار تابع لنيسان و بالفعل احدت الصنى الجديدة على الزيرو العداد كان عامل 39 ك . المهم هقول ملاحظاتى عنها علشان نشارك بخبراتنا مع بعض :

1- الشكل الخارجى
لم يعجبنى اطلاقا لانى جسيت العربية لس لها اي شخصية على الاطلاق و تحس انها هجين من عربيات كتير

2-الشكل الداحلى
السيارة صناعة هندية لمن لا يعرف و هى مصنعة بالكامل من خامات رخيصة جدا و كلها من البلاستيك الردئ من وجة نظرى و دة بشهادة ناس كتير . هناك سيارات بفئات اقل لكن بخامات افضل كثيرا او على الاقل شكلها الداخى احسن بكتير . لكن العبية دى فعلا تعطيك احساس بالفقر فى كل شئ

3-الاوبشن
فيها نوعين وانا كان معايا الفئه الاقل و هى اتوماتيك باور سنتر زجاج ك امامى فقط مرايات ك . فتحة الشنطة و التنك من الداخل راديو و سي دى دبل دن بة فتحه aux و هو المستحدم فى كثير من سيارات نيسان مثل التيدا القشقاى ......

الصالون الداحلى .

فرش عادى جدا بس الصالون اوسع من الصنى القديم و خصوصا من ورا ( تقريبا الميزة الوحيدة فيها :) )

4- الماتور
1500cc , و هو عن تجربة لمدة 40 موتور ضعيف و السحب مع التكييف سىء جدا و صوتة عالى جدا مع التسارع و التكييف تحس انه خلاص هيجيب اخرة .

5- الثبات

العربية خفيفىه جدا يعنى عاملة كدة بالضبط زى الفيرنا فى الثبات بعد 120ك يعنى قلق لو عدا جنبك نقل تقيل بسرعه هتلاقى العربيه هتطير.



الخلاصة

السيارة تقفيلها سيء و الباور خفيف جدا جدا لدرجه ممكن تقلق مع السرعات العلية او الغرز
تصميم سئ جدا و غبى فى نفس الوقت فمثلا الولاعه موجوده تحت جدا و ناحية الراكب الامامى و ليس السائق ودى اول مرة اشوفها فى حياتى و كمان مفيهاش طفايه!!
الماتور كما قلت ضعيف و سحبة وحش و سئ جدا مع التكييف
استهلاك البنزين طبعا الكل هيقول دى بتشمه و احب اخيب ظنطوا واقول انها بتعمل حوالى 320-340 ك فى ال40 لتر مع التكيف (عربيتى السوبر صالون 2008 فى مصر احسن من كدة )و تقريبا التكييف دايما شغال لان الحرارة هنا زى مانتو عارفين طبعا

بعد حوالى 250 او 300ك العربية حصلها حاجه غريبة كان الماتور بيعلى و يوطى لوحدة سواء ماشى او على السلانسية يعنى الrbm كان بيوصل 1.3 شويه و ينزل الى .7 و هكدا و كان تقريبا علطول . المهم انا قلقت و رجعت المكتب و قولتيلهم عليها فا حدوها و ادونى تيدا على ما تتصلح ( فرق السما و الارض فى كل حاجة ما عدا الشكل الاثنين و حشين بس اداء التيدا ال1.8 وهمى فعلا و تسارع جبار حتى الكراسى افضل 100 مرة ) المهم استمر الاصلاح 6 ايام كاملة !!!! و بعدين كلمونى و قالوا كلو تمام تعالي خدها
روحت سلمت التيدا للاسف و خدت الصنى و مشيت و بالضبط عند اول اشارة لقيت العيب رجع تانى بس على اخف شوية و تانى يوم كان اسؤا من قبل كدة فكبرت دماغى و قلت ايكش تولع انا مش فاضى كل شوية اروح بس للامان بعد حوالى 10 ايام راح لوحدة نهائيا و مرجعش تانى


على فكرة 2 من الى فى الشركة معايا كانو ماجرين نفس العربية و عندهم نفس الراى لكن محصلش معاهم مشكلة الماتور زيي


المهم انا عايز اقول ان عربيتى فى مصر السوبر صالون افضل منها مليون مرة حتى و تقفيلها مصري بصراجة . و اللى عايز يجيبها انصحة يتفرج عليها كويس و يجربها الاول كويس قبل ما يفكر يشتريها


حبيت اشارك بتجربتى معاكو و اتمنى اي حد بيفكر يشتريها يقرا كلامى و زى ما قلت لازم يجربها


فى الختام احباط عام من الصنى الجديدة و تجربة و مش ها تتكرر تانى ان شاء الله


وارجو انى اكون افدت بعض الناس و السلام عليكم و عدرا على الاطالة

الماتور 1500 اقتصادى عن 1600 و احصنه اعلى بس عزم اقل
يعنى مريح للجيب