الموضوع: مطلوب فورد ايسكورت ٩٩

المشاركة الأصلية كتبت بواسطة kantofanto

السع اللى انت حاطه ده قليل اووى على إسكورت ، ممكن تجيب فستا

السعر المناسب كام لو سمحت بس تكون بحالتها ومن غير مصاريف ولو حضرتك ممكن تفيدني ايهما افضل الفورد الايسكورت ولا السيينا ٢٠٠١-٢٠٠٣

المشاركة الأصلية كتبت بواسطة kantofanto

فى شهر مارس اللى فات كانت فى سوق الجمعة شوفت 3 عربيات إسكورت كمايلى :-
العربية الاولى:- كانت عربية تعابنة اووى و عايزة سمكرة و طالع ميتين اهلها مجرد بالنظر و من غير مأكشف على الميكانيكة بتاعتها الراجل من كلامه كان عايز 26000ج و لما اتكلمت معه كتير عرفت انه تاجر و عايز يعمل أى مصلحة بعد مأشترى العربية و كان راجل محترم اووى.
العربية التانية:- كان صاحبها جاى يبيعها و دى كان فيها خبطة فى الشاسيه من تحت و سابحة زريجنة و ضبطها و طبعاً رشة كان طالب فيها 28000ج.

العرية التالتة :- و دى لمحتها من و أنا داخل السوق فبريكة برة و جوة موترو 1600 سى سى موديل 1999 و وقفت مع صاحبها و دردشت معه كان عايز 33000ج على كلامه حاولت اوصله لمبلغ 30000ج رفض و فضلت معه لحد مأحد التجار أشترها و خلص فيها على 31500ج بس بصراحة تستهال مرفوعة 5 سنيين و فبريكة بالكامل و التكيف بس اللى عايز يضبط الزرار بتاعه الاستبن منزلش على الارض و الرادايتر عايز بس يتنظف او يتغير بس حالة فوق اللممتازة و رخصة لمدة سنة.

فى أحد الاعضاء هنا لسا مشترى ‘سكورت 97 او 98 مش فاكر على مبلغ 27500 بس كانت عايزة مساعدين و طقم سريفس و رومان بلى و عدد 2 فردة كاوتش.

بس نصيحة من أخ اوعى تشترى عربية متهانة خاصة فى الفورد هتمرمطك ، فأبر و هات حاجة حلوة.

بخصوص الفورد الاسكورت و السينا:-

اولاً السينا مع جوز أختى عربية قطع غيارها غالية مش رخيصة إيطالى بعض قطع غيارها مش موجودة و بتقعد تدور عليها عشان تلاقيها إستيراد تقيلة فى بيعها .. بصراحة مانصحكش ييها خالص ؟.
الاسكورت عربية أنتشرت فى وقتها بدرجة كبيرة عشان كانت نازلة قوات مسحلة ثابتة على الطرق جداً معظم اللى بيجبها عشان بيسافر كتير ال1300 كويسة اكتر من 1600 لانها كربيتير مش إنجكشن زى السينا و مفتكرش فى منها زيتك ، الموديلات قديمة شوية زى 97 و 98 و 99 مشفتش بعد كدا موديلات تانية قطع غيارها برضوا غالية بس معمرة هتلاقى هنا ناس كتير تساعدك فى المنتدى لو وقعت فى مشكلة فى الفورد و كمان جميع تجار القطع الغيار و الميكانيكيا بتوعها كل شئء.

أما حضرتك لو حابب تركب كورى بالسعر اللى معاك ده ممكن تدور على هيواندى أكسيل او أكسنت موديلات قديمة بس ركوبة الفورد مختلفة و عن تجربة.

ربنا يجازيك خير على ردك بس ماعلش غلاسة مني طب انت رأيك ايه فى السكودا الفليشيا والرينو الريمبو 99 انا مشكلتى انى محتاج عربية فى الفترة دى ومش معايا خير فى العشرينات انا كنت ناوى اجيب حاجه عالية بس ظروفى مخليانى مستعجل شوية عشان كده بدور على حاجه شكلها مودرن شوية وفى نفس الوقت السعر عشرينات

المشاركة الأصلية كتبت بواسطة kantofanto

مفيش غلاسة و لاحاجة احنا هنا كلنا بنساعد بعض ، أنا سمعت من أحد الاشخاص ان الاسكودا بتسخن بس معرفش حقيقة و لا لا و كمان الاسكودا فليشيا معدية الثلاثين الف بس هى عربية محترمة ماقدرش انكر ممكن تسأل ى قسم الالمانى فى المنتدى عنها و هتلاقى كتير يساعدوك وفى كمان الكيا برايد العصفورة 1997سعرها قريب من( الاسكودامن 96 الى 98 و الفيستا2000) و كمان قطع غيارها ببلاش و ممكن طبعاً تبص على شاهين و لادا لو حابب هتلاقى أسعارهم فى العشرينات.

وفى فورد كا2000 او فورد فيستا هاتش باك بس فى التسعينات بحالة نضيفة بالمبلغ اللى معا حضرتك او ممكن تلاقى إسكورت موديل 98 ماتور 1300 سى سى و رشة برة فى حدود 28000ج و انت حظك.

ربنا يجازيك خير يارب