فورد ايسكورت بتسخن مع التكييف وفى الشمس بس

**theoldwiseking** · 12-09-2008 09:49 AM

عندى فورد 98 1300سسي بتسخن لما بشغل التكييف الظهر فقط لما تكون الشمس حامية، لكن من أول العصر كده لحد بالليل مافيش أى مشاكل حتي لو شغلت التكييف مش عارف ايه المشكلة !!!!

انا عملت كل حاجة تقريباً، غسلت الرادياتير مرتين وظبطت تاكيهات واتأكدت من غطاء القربة ودورة التبريد مش بتسرب.

يا ترى ايه المشكلة؟

**hazem_khidr** · 12-09-2008 03:55 PM

لو واثق ان الردياتير سليم
و دوره التبريد سليمه
و التاكيهات مش محمله
يبقي حاجه من اتنين
يا سربنتينه التكييف مسدووده
يا اما جوان وش سلندر وحش
و متهيالي بنسبه 90% جوان وش سلندر

**theoldwiseking** · 12-09-2008 05:56 PM

بس هو لو جوان وش السلندر، كانت العربية هتسخن حتى من غير تكييف أو هتسخن بالليل لكنها مش بتسخن غير مع التكييف فى فترة الظهر فقط (فى الحر يعنى)

**hazem_khidr** · 12-09-2008 06:02 PM

ماهو دا مبادئ
بعد كده حتسخن طول ما انت ماشي
بس علي السنه الجايه كده لان الشتا داخل و معدش حيبقي فيه سخونيه

**theoldwiseking** · 13-09-2008 06:09 PM

دلوقتى انا لاحظت حاجة، طبعاً العربية دى أصلا بتنزل من غير تكييف، يعنى التكييف اللى فيها ده تركيب هنا فممكن اللى ركب يكون ركب غلط

السربنتينة بتاعة التكييف أكبر من الرادياتير، بس المروحة اللى علي سربنتينة التكييف صغير أوى بالنسبة لحجمة ممكن تكون مش قادرة تبرده فى حالة الحر الشديد (اللى العربية بتسخن فيها) كن الجو لو مش حر أوى فالعربية مش بتسخن

هل ممكن أركب مروحة تانية أو أغير المروحة بواحدة أكبر وأسرع علشان التبريد يبقى أحسن

**johnnagy** · 14-03-2009 05:43 PM

انا عملت حادثة من كام يوم بلفورد اسكورت غيرت فيها حاجات كتيير بس الحاجة الوحيدة الى جبتها مستعملة الرادياتير بس طلع فى مشكلة السيارة عداد السخونيى قبل الاحمر بحاجة بسيطة لو شغلت التكييف او الجو كان حار و ماشي بسرعة بطيئة العربية ممكن تطلع دخان,
اتاكد ان الرادياتير سليم