الموضوع: هو الميجان فعلا عربيه سيئه للغايه زى ما بسمع

ارجو من ساعدتكم اللى معاكم ميجان انكم تفيديونى
اولا انا اول مره فى حياتى هشترى عربيه ومحتار جدا فى نوع العربيه وانا حابب اوى شكل الميجان2 وخصوصا انها عربيه شبابى وكلها امكانيات وامان خصوصا انى بشتغل فى شرم الشيخ وطريق شرم من الطرق الرخمه المهم انا كل ما اقول لحد عاوز اشترى ميجان القيه يصرخ فى وشى كانى شتمته ويقولى انت مجنون مش لاقى غير دى يا ابنى هاتك كورى ولا يابانى مش لاقى غير الميجان كمان وعاوز تشتريها دى يا ابنى كلها عيوب وعربيه ورق وقطع غيارها نااااااار وكمان عربيه مش معمره ومش هتنفعك كمان فى شغلك وكمان لو فكرت تبيعها هتعقد جنبها ومحدش اصلا هيفكر يشتريها منك قلت بلاش اسمع واقرى عنها ودخلت كذا منتدى لقيت اللى بيتكلم عنها كويس اوى واللى جايبها وطالع عينه وبصراحه احترت ومش عارف اعمل ايه اشترى ميجان ولا افكر فى اى عربيه تانى وانا كل اللى معايا من الاخر 60 الف وممكن اوصلهم ل 65 الف وهل يا ترى الفلوس كده تجيبهم لان سمعت من ناس انها ما بتعديش اصلا ال60 الف بسبب انا محدش اصلا بيشتريها انا من الاخر مش عاوز اجيبها وافضل اصرف عليها انا عاوز رايكم بكل امانه لو حد يقدر يساعدنى واسف على الاطاله ويارب القى منكم ردود ولو حد عنده اقتراحات عربيات تانيه فى رينج السعر اللى انا كاتبه ياريت يقولى

بص ياباشا الخلاصة كل واحد معاه عربية هيشكر فيها والى هيحدد العربية هو انت ومتطلباتك يعنى من الاخر عاوز تركب عربية واى حد يشتغل فيها وبتفكر تبيعها بعد فترة قصيرة وتغير يبقى خليك فى الكورى واليابانى عاوز تركب بمعنى تركب يبقى الاوربى طبعا وبالنسبة للميجان خاصة عربية محترمة جدا وقطع غيارها متوفرة بس مش بنفس توافر اليبانى والكورى طبعا وهتحافظ عليها وعلى صيانتها هتحس انك راكب عربية وفى الاول وفى الاخر شوف انت عاوز من العربية اية مثلا انا كنت عاوز ثبات فخامة شياكة تابلوة ومبحبش العربيات المنتشرة ومن الاخر رغم ان فى ناس ممكنت تزعل انا شايف ان مفيش مقارنة اصلا بين الميجان واللانسر او الكورى او فى عربية فى فئتها ودا رئيى الشخصى