الموضوع: سيارات مستعمله موديل قديم + موتور جديد

العربية اللى ماشية قليل شكلها بيبان من فرشها الاصلى وتابلوها وفرش الابواب وكل العدادات شغالة فابريكة بالكامل وكبس الموتور وصوته وصوت الشكمان مثلا غير كدة اسهل حاجة اللعب فى العدادات

يا فندم مفيش اي دلاله لموضوع الاستبن اللي ما لمسش الارض ده. يعني مش مرتبط بحاله العربيه و ده لان ببساطه ممكن تكون العربيه متبهدله إنما صاحبها بيغير الكاوتش كل ما بيبوظ او ماشيه كتير و مغير الكاوتش كذا مره و سايب الاستبن في مكانه. لو حضرتك ربطت الكلام ده مع ان الكاوتش عمره الافتراضي ٣ سنوات و الاستبن لم يستخدم يعني بقاله ٧ او ٨ سنوات في العربيه يعني كده في حاجه غلط و لازم يكون مغير الكاوتش قبل كده مرتين او مره واحده علي الاقل و سايب الاستبن في مكانه. طيب يا تري استبن الفابريكه ده منفوخ و صالح للاستخدام بعد كل السنين دي؟ أكيد لا و خطر الاعتماد عليه. اللي المفروض بتعمل ان الاستبن يستخدم مكان العجله التعبانه قبل ما ينتهي عمره الافتراضي و الموضوع ده ما يبقالوش علاقه بالحكم علي حاله العربيه و لا يخدع المشتري . الحاله الفعليه هي حاله الموتور و العفشه و الدهان و دول يتم الكشف عليهم في التوكيل او مراكز الصيانة المعتمده