الموضوع: control unit

ياغالى انا بقولك كده عن تجربه .... انت المشكله عندك انك وانت واقف بالعربيه او ماشى وجيت تدوس بنزين ع الاخر بتلاقى ال rpm مش بيعدى ال 3.5 مش كده ؟؟؟ وتحس بعدها ان مفيش دوسه حتى لو جبت الدواسه على الاخر ؟؟؟

يبقى اولا هتفك علبه البيءه وتكسر الفحم اللى جواها ومفيش اى صوت هيتغير باذن الله فى صوت شكمان العربيه واهم حاجه ماتخليش اللى بينزلك الفحم ده يدق وفرن العربيه راكب احسن ممكن يشرخ الفرن .... ثم بعد ذلك لقدر الله لو ماطلعش العيب منه .... هيبقى باذن الله حساس الكرنك ... عمل معايا قبل كده فى عربيتى الفيكترا اللى فاتت وطلع عيب حساس كرنك .. رالعربيه اتظبطت وبقت تمام ... ولا تقلق وماتخليش حد يعك وكل حاجه يقعدوا يقولولك كونترول خالى بالك العربيه اللى معاك دى محترمه والموتور ده محترم جدا وعملى جدا جدا ولا تقلق باذن الله

أنا بس بيبقى عندى بعض القناعات الغريبه ... وهيا ان الناس دى مابتغلطش ومحدش يعدل عيها يعنى بكل بساطه وهوما بيعملوا العربيه اكيد كانوا عارفين ان الكنترول وجوده جنب الموتور ده اكييييييييد عادى مش كل حاجه تبوظ فى العربيه نقوم احنا بكل بساطه قايلين ده كونترول سخن من حراره الموتور ولازم يتغير ... صدقنى باذن الله طالما ان ضفيرة عربيتك مظبوطه مش معكوكه وعربيتك نظيفه وموتورك متصين صح ومحافظ عليه عمر الكنترول ماهيحصله حاجه باذن الله.... انا عربيتى قعدت معايا ٤ سنين والله مازعلتنى فى اى حاجه وكان فيها تكييف اقسم بالله انا ركبت ماركات عربيات بالعبيط وعمرى ماشوفت زيه وكان صوتها هادىء جدا واستهلاك بنزين محترم كان عيبها الوحيد فى طلعتها عشان العربيه تقيله بس انما غير كده انا مقتنع ان الألمان لو نزلوا عربيه 4x4 وفيها موتور ١٠٠٠ cc فهوما عارفين هما بيعملوا ايه .... أسف للاطاله ويارب أكون قدرت افهم حضرتك اللى انا قصدى عليه