موتور الـ1600 كامة واحدة ازاي اعرف حالته

**mohamed-adly** · 08-08-2014 04:17 PM

سلامو عليكو

انا عربيتي بي2 2000

الموتور الي عليها 1600 كامة واحدة الاسود وبصراحة اكتر من مرة الميكانيكي يقولي بيعه واهتلك ال2000 الايكو تك 2 كامة او 1 كامة

وانا متردد والموتور الحقيقة كويس معايا بس انا عايز اقيم حالته ازاي اعرف لانه قالي الموتورو خفيف شوية وانا مش مسدقه .. ولكن شاكك ان كلامه ممكن يكون صحيح انا عندي دخنة سودا بس مش سوده قوي يعني لونها ساعات بشوفه ابيض

فا أنا عايز اعرف دلوقت ازاي اقيم حالة الموتور واعرف ان كان فيه عيوب او مشكلة او مثلا حساس بايظ او حاجة من كده

**sherif_m72** · 09-08-2014 06:39 AM

انت تشوفلك ميكانيكى امين
لان الدخنه السوده ليها اكتر من سبب
وتقييم حالة الموتور هيكون صعب فى وجود الدخنه السوده

**mohamed-adly** · 09-08-2014 10:41 AM

للأسف اسماعيلية مفهاش الا ميكانيكية فتايين مفيش حد عنده ضمير والوحيد بتاع الاوبل الي بتعامل مع معاه هنا برضو مش ضامنه بنسبة كبيرة

**Mecha** · 09-08-2014 10:44 AM

السؤال هو بتاكل زيت ؟؟؟؟؟؟

**haisam ali** · 09-08-2014 10:45 AM

هل فيه نقص زيت ؟؟؟؟ ولو فيه بتنقص قد ايه فى كل غيار ؟؟

**mohamed-adly** · 09-08-2014 11:14 AM

انا عندي تسريب صغير في الزيت من الكارتيرة بيعمل بقعة كل مشوار حوالي 3 لـ5 سنتيمتر

غيرت زيت قبل مااسافر القاهرة من حوالي اسبوع عملت لحد دلوقتي بيه حوالي 310 كيلو ولما رجعت لقيت المقاس بدل ماكان فوق اخر شرطة الي هيا ماكس بشوية بقي علي الشرطة نفسها يعني نقص حاجة بسيطة واعتقد بسبب التنقيط الي تحت الي بينزل لما العربية تمشي وتسخن

لكن:

الموتور ناعم . في ارتفاع في استهلاك البنزين لكن مش ملحوظ
العربية سحبها علي الطريق ممتاز وبالذات ع الصحراوي "من حوالي شهر عملت 1700 كيلو رايح جاي اسماعيلية-سوهاج
كانت ممتازة محصلش حاجة خالص نقصت في المشوار ده حوالي ربع كيلو

**mohamed-adly** · 09-08-2014 11:15 AM

المشاركة الأصلية كتبت بواسطة asa3eed

تقدر تيجى العاشر من رمضان الميكانيكى بتاعى يشوفهالك ويقولك فيها إيه واحده واحده " شخص محترم واحسبه ع خبره " لانه شغال ف توكيل القاضى طبعا عارفه " إسمه الشيخ ربيع ورقمه 01222867649 كلمه وحدد معاه ميعاد ولو حضرتك إحتجتنى انا موجود " ولو العربيه هتحتاج حاجة إعملها عنده " ربنا يوفقك

أخي الكريم تسلم علي مساعدتك , حتصل علي الرقم واحدد معاد ونتمني نشوفك
وتسلم

**asa3eed** · 09-08-2014 12:51 PM

المشاركة الأصلية كتبت بواسطة mohamed-adly

أخي الكريم تسلم علي مساعدتك , حتصل علي الرقم واحدد معاد ونتمني نشوفك
وتسلم

نمورنى وتنور العاشر كلها إنشاء الله " ع فكرة هوه موجود من بعد 5 العصر ع ما بيخلص التوكيل ومعاك بقه لحد 11 او 12 " بلليل كلمه وحتى ممكن تقول له انا من طرف أحمد سعيد إوبل 94 النبيتى