زيت الباور فييستا 99

**bigbibo** · 11-08-2014 05:14 PM

السلام عليكم .. دلوقتى يا جماعة انا حطيت زيت الباور من اربع او خمس ايام كده ببص عليه امبارح لقيت نصه مش موجود .. ده ايه اسبابه بأه عشان مش عارف .. اكيد مش استعمال الاربع ايام ابدا .. اعذرونى لقلة خبرتى بالموضوع

**Ramadan Kader** · 12-08-2014 10:16 AM

عند تسريب فى دايرة الزيت . ممكن يكون من طرمبة الباور و ممكن من الخراطيم الخارجه و الداخله عليها.
طرمبة الباور داخلها خرطوم من علبة الزيت الى انت مليت منها راجع لعى الخراطيم كلها بعنيك لحد لما توصل ل علبة الباور ودي مكنها ضيق أوى عند صدر العربيه (اول حاجه بعد التابلوه بص حواليها )
بص لعى أي أثر للزيت و بص حوالين العلبه بتاعت الزيت و الطرمه بتاعت الباور بص على الدينمو تحتها شوف فيه اثر زيت عليه ولا لأز لو على الدينامو أثر زيت يبقى من الطرمبه لو على الرفرف من جوه يبقى التسريب من خرطوم علبة الزيت ولو الأثر عند صدر العربيه وره الموتور يبقى علبة الباور.
طرمبة الباور لو بتجيب زيت أشتري واحده أستيراد أحسن هتلاقيها ب 250ج
لو الخرطوم هتلاقيه فى حدود 20ج أستيراد
لو العلبة دي بقى هتروح بيها للعفشجي يفكهالك و توديها لواحد بتاع باور يشوف فيها أيه.

**bigbibo** · 12-08-2014 07:16 PM

ربنا يكرمك يا رب والله .. دايماً منورنى :)
ان شاء الله هبص على الحاجات اللى قولتها واقولك عملت ايه

**bigbibo** · 31-08-2014 10:25 PM

الحمد لله .. التسريب طلع سبه الخرطوم اتخرم بسبب احتكاكه مع العجلة اليمين لما بتكسر على الأخر .. والميكانيكى قصره لأنه كان طويل شوية والحمد لله الموضوع طلع بسيط ودلوقتى تمام .. شكرا على المساعدة :)