الموضوع: مشكلة غريبة شوية فى سخونية العربية فيكنرا بى 2

المشاركة الأصلية كتبت بواسطة mwetsh

طب ممكن يا ايمن باشا توضح مكانة فين و انا جى النهاررة مشغلتش التكيق خالصو كانت الحرارة 92 كمان انا كنت شارى العربية من واحد عامل حاجة غريبة مشغل سرعة المروحة الاولى مع الكونتاكت فوضح لى اعمل اية قبل ما اروح لكهربائى يقعد يفتى فى العربية

بيقى راكب فى جنب الرايدتير من ناحية الشمال وانت واقف امام العربية ولونه رصاصى
كدة فى عك فى ضفيرة المراوح احسن لك روح لكهربائى اوبل يظبط لك الضفيرة
الوضع الاصلى هو

المروحتين بيشتغلوا سرعة اولى وسرعة ثانية مع بعض فى جميع الاحوال بدون تكييف او بتكييف على النحو التالى :
الحالة الاولى بدون تكييف :
المروحتين بيشتغلو مع بعض سرعة اولى [ توصيل مواتير المروحتين على التوالى ]عن طريق الثرموستات الرصاصى عند وصول درجة حرارة مية الراد 90 درجة ويفصلوا خالص عند 85
المروحتين بيشتغلوا مع بعض سرعة ثانية [توصيل المروحتين على التوازى عن طريق مقاومات المراوح الاثنين ] واللى بيشغلهم هو الترموستات الرصاصى وذلك عند وصول درجة حرارة مية الراد 95 درجةويفصلوا السرعة الثانية عند 90 درجة
السرعة الثالثةوالاخيرة فى حالة عدم تشغيل التكييف [ وهى تمثل السرعة الرابعة والاخيرة فى حالة تشغيل التكييف ] ودى بيشتغلوا فيها المروحتين [ توصيل على التوازى عن طريق توصيل مواتير المراوح مباشرا بالبطارية ] واللى بيشغلهم هو السويتش الازرق عند وصول درجة حرارة الراد الى 100 درجة مئوية ودى اقصى سرعة للمراوح
الحالة الثانية فى حالة تشغيل التكييف :
المروحتين بيشتغلوا مع بعض سرعة اولى [ توصيل مواتير المروحتين على التوالى ]عن طريق [ عند الضغط على زر تشغيل التكييف فتغلق ارضى دائرة كت اوت كمبروسر التكييف وبالتالى تغلق ارضى دائرة كت اوى تشغيل المراوح سرعة اولى فتعمل المروحتين على السرعة الاولى سواء الموتور بارد او ساخن سوف يعملوا بمجرد الضغط على زر تشغيل التكييف وذلك لتبريد الفريون داخل سربنتينة التكييف وعندها تكون كتلة ضغط الفريون ما بين 900 الى 1200 كيلو بيسكال
المروحتين يعملوا مع بعض سرعة ثانية [توصيل المروحتين على التوازى عن طريق مقاومات المراوح الاثنين ] واللى بيشغلهم فى الحالة دى هو حساس الفريون او سويتش الفريون الموجود على ماسورة التكييف الضغط العالى وعندها تكون كتلة ضغط الفريون ما بين 1400 الى 1700 كيلو بيسكال او السويتش الرصاصى [ ايهما اقرب الحرارة او الضغط ]
المروحتين يعملوا مع بعض سرعة ثالثة وهذة السرعة تعمل فقط عند تشغيل التكييف [ توصيل مروحة التكييف على التوازى عن طريق توصيل موتوراها مباشرا بالبطارية ودى اقصى سرعة لها وتبقى مروحة الراديتير كما هى على السرعة الثانية متصلة على التوازى معها ] واللى بيشغلهم فى الحالة دى هو حساس الفريون او سويتش الفريون الموجود على ماسورة التكييف [الضغط العالى] وعندها تكون كتلة ضغط الفريون ما بين 1800 الى 2100 كيلو بيسكال
المروحتين يعملوا مع بعض سرعة رابعة ودى تعتبر السرعة الثالثة والاخيرة فى حالة عدم تشغيل التكييف[توصيل على التوازى عن طريق توصيل مواتير المراوح مباشرا بالبطارية ] ودى اقصى سرعة للمروحتين معا واللى بيشغلهم هو حساس الفريون او سويتش الفريون الموجود على ماسورة التكييف [الضغط العالى] وعندها تكون كتلة ضغط الفريون ما بين 2300 الى 3000 كيلو بيسكال او السويتش الازرق عند وصول درجة حرارة الراديتير الى 100 [ايهما اقرب الحرارة او الضغط ]واللى بينظم منظومة تشغيل المراوح هى ال5 كت ات اللى قدام البطارية وال2 كت اوت اللى جانب البطارية وجنبهم طبعا الفيوزين العمومين بتوع المنظومة ككل
دا بقى نظام الفبريكة وسيبكم من من نظام عك الصنايعية