غيارات الفتيس

**rabeden** · 26-08-2014 09:23 PM

لسه مغير امبارح بلية فتيس (المستر السفلى) عشان ضربت، المهم روحت بعد لما خلصت وركنت العربية و نازل تانى يوم و مشيت والدنيا تمام و بعدين العربية بطلت تجيب غيارات و هى ماشية لازم ابطل عشان تنقل، يعنى العربية بتجيب كل الغيارات وهى وقفة بس لكن اول لما أدور العصاية مبتنقلش

ياريت لو حد فاهم يفهمنى ايه اللى بيحصل

**احمد فهمى** · 26-08-2014 11:24 PM

ده عيب تركيب ارجع للميكانيكى اللى ركب

**فادى محمد** · 27-08-2014 12:03 AM

دواسه الدبرياج طريه؟؟؟

**فادى محمد** · 27-08-2014 12:31 AM

ماتقاقش , بسيطه ان شاء الله..
قولنا جبت البليه بكام ومنين؟؟
اللي لازم يحصل كالتالي..
الميكانيكي هيفتح لاكور الزيت بتاع الماستر العلوي اللي ع الفتيس قدام بمفتاح بلدي او مشنشر 9 مل ,ويسيبه ينزل زيت شويه , حذاري تدوس دبرياج وهو فاتح اللاكور والا الماستر العلوي يبوظ وده تمنه 600ج جديد !!
هيقفل اللاكور بعد ان يطمئن ان الزيت بينزل منساب . تدخل انت تكارك برجلك 3 او 4 مرات وبعد كده تدوس دوسه طويله واوعي تشيل رجلك, في الاثناء دي هو يفتح اللاكور لاخراج الهوا من دوره الدبرياج ويقفل علطول . تكرر السيناريو ده 3 مرات مثلا لغايه ما تلاقي الدواسه بقت كويسه ( ليها مقاومه ) يقفل اللاكور ويظبط مستوي زيت الباكم في الخزنه وشكرا..

**فادى محمد** · 27-08-2014 12:43 AM

لا ماتقلقش بس ارجوك اعمل زي ما قولتلك بالضبط , هو بسيط جدا بس للاسف ميكانيكيه كتير بيبوظوا الماستر العلوي ده لما بيكاركوا وهما فاتين لاكور الزيت !!

-

-

-

-

الموضوع: غيارات الفتيس

LinkBack

أدوات الموضوع

عرض