الموضوع: خلل غريب - لا يوجد له حل لغاية الان !!!

المشاركة الأصلية كتبت بواسطة فادى محمد

1- تاكد ان قاعده الكتاوت سليمه ومش ملمسه او فيها تهريب ..
2- الترموستات المفروض انه بيحبس الميه داخل الموتور لغايه 83 د
بعدها يبدا يفتح تدريجي لغايه 95د بيبقي فاتح بالكامل .
خلي بالك الوضع الطبيعي هو الاتي ..
راقب امبير الحراره صباحا هتلاقيه بيرفع لغايه 80د تقريبا او تحتها بشرطه
وبعد كده بتلاقي الامبير بينزل فجاه ويرجع علي اول شرطه زرقاء وبعد كده
يطلع تدريجي لغايه مالمروحه تشتغل ينزل ويطلع وهكذا..
ده تفسيره ايه؟؟
الترموستات اول مابيفتح الحراره في المنطقه دي بتنخفض وبالتالي الامبير بينزل
ولكن الان اصبحت ميه الموتور وميه الرادياتير واحد مختلطين ودرجه حراره واحده
يبدا هنا شغل المروحه وينتهي عمل الترموستات.

اهلا بيك صديقي فادي
1 ان شاء الله سأتأكد من قاعدة الكاتاوت كما تفضلت ... صراحه انا ما فحصت القاعده من قبل
2 - كلامك سليم بخصوص التيرموس .. لكن السيارة الان بدون تيرموس ... والموضوع على ما هو
وتحياتي لك

المشاركة الأصلية كتبت بواسطة ayman hamdy

اهلا بيك اخى رامى
شوف يا سيدى الفاضل عادى جدا انها ترتفع على 90 بدون ثيرمو وممكن تزيد عن كدة كمان وتوصل ل 98 فى الزحمة ومع تشغيل التكييف
وعلى الطريق السريع او الهاى واى ممن تنزل ل80 اواقل كمان
اذن فى حالة ازالة الترموستات يا اما تكون العربية سخنة اوى ودا فى الزحمة ومع التكييف يا اما باردة اوى على الهاى واى ودا وضع غلط لان مفيش ثبوت لدرجة حراة تشغيل الموتور ودا غلط عليه مستقبلا الحل : اولا ركب الترموستات زى ما كان والوضع عندك طبيعى مفيش مشاكل
ثانيا موضوع ان التشيك انجن تنور مع سخونية الموتور يار ريت تكشف بالكمبيوتر لانها طال ما نورت يبقى سجلت عطل وان كان مش عطل موجود حاليا not present ولكن لازم يكون مسجل وبناء عليه هنعرف المشكلة فين
لان انا شاكك بنسبة 90% ان فى short circuit [ ماس كهربائ او قفلة او تلميس ] لان لمبة التشيك ما بتنور الا عندما تزيد درجة حرارة الموتور فوق ال90 وتنطفئ لما تنزل درجة الحرارة
عموما اكشف بالتيك2 وقولنا كمبيوتر الموتور مسجل ايه وبناء عليه هنعرف دائرة العطل ونشوف التلميس من فين
لا تقلق الموضوع بسيط اخى رامى
تقبل تحياتى

يا هلا بيك صديقي ايمن ..
ان شاء الله ساركب التيرموستات للكوع كما تفضلت
و ساكشف بالكمبيوتر ايضا
و شكرا لردك المطمئن
تحياتي