انا كنت في رحلة لمطروح من اسبوع و في طريق العودة حدثت بعض الاشياء خنقتني اوي من العربية اولا انا كنت راجع الساعة 2 ظهرا و اول ما مسكت الطريق السريع شغلت التكييف لقيت الحرارة ارتفعت لحظيا من الوضع الطبيعي الي ما يقارب الشرطة اللي بعد النص طفيت التكييف في ساعتها و فضلت ماشي الحرارة نزلت شوية لكن فضلت فوق النص بسنة صغيرة و مش عايزة تنزل للطبيعي تاني . وقفت و بطلت العربية دقيقتين بس و شغلتها مشيت تمام و الحرارة رجعت لوضعها الطبيعي تماما و فضلت ماشي علي 120 تقريبا و اول لما ازود عن كده الحرارة تجيب النص او اعلي منه بسنة انزل تاني بالسرعة ل 120 الحرارة تنزل و فضلت طول السكة كل لما احاول ازود السرعة الحرارة تزيد اروح نازل تاني . فعلا انا مش عارف ايه السبب و ممكن يكون ايه علما بان دائرة التبريد لا يوجد بها تسريب و الدائرة نظيفة تماما و بستعمل مياه خضراء . يا ريت لو حد ممكن يفيدني في سبب المشكلة قبل لما اروح لحد متخصص يكشف عليها علشان ابأه فاهم و ميشتغلنيش .