يوم ما يعلم بيه الا ربنا بالميجان..ساعدوني يا وحوش

**Ahmad _Sheemy** · 06-08-2010 04:56 PM

امس حدث الاتي:
انا راجع من الشغل من المنصورة و كنت رايح الساحل الشمالي عشان الاولاد هناك اقعد معاهم الخميس و نروح القاهرة الجمعة.
انا في الطريق عند طنطا تقريبا و اذا بالحرارة تعلى جامد و انا كنت مشغل التكييف نزلت بصيت علي المروحة مش شغالة
بطلت العربية واستنيت شويه ودورت دارت و لكن المروحة برضة مش شغالة
لقيت علي يميني يافطة كبيرة عليها رينو وقفت وسالت الراجل اللي كان واقف هل هذا توكيل رينو قاللي ايوة بطلت العربية و دخلت لقيته مبيعات بس و الصيانة علي بعد 5 كيلو رجعت احاول ادور لا يمكن ابدا حاولت بشتي الطرق و لا يمكن ابدا المهم بعد فترة دارت و المروحة اشتغلت تمام رجعت لتوكيل صيانة رينو العدوي بالمنصورة قاللي لازم تبات العربية للسبت طب يا عم اكشف عليها و قوللي الfaults المتسجلة ايه و نحدد اقدر امشي و لا لا المهم قاللي لازم تبات للسبت رفضت و مشيت و انا عيني علي الحرارة و متابع المروحة
بعد ما وصلت الساحل الشمالي (حوالي 300 كيلو) و انا مش مشغل التكييف و لكن الحرارة طبيعية جدا و لما وصلت شغلت التكييف لقيت السرعة التانية شغالة و الحرارة طبيعية
الان بعد فحص السيارة لاحظت الاتي:
1- لمبة الفرامل منورة علي طول
2- العربية بتدور حتى لو مدوستش فرامل
3- ال rbm لما تشيل رجلك من على البنزين يقل حوالي 500 مع ثبوت السرعة وكذلك لما تدوس بنزين يزيد حوالي 500 مع ثبات السرعة
4- الcruise control مش شغال و لكن ال speed limiter شغال

انا عملت الاتي:
فحصت فيوز المروحة لقيته مش محروق ولكن سايح البلاستيك اللي عليه و سن مقطوم
غيرته و الان السيارة تدور بنفس الاربع ملاحظات اللي فاتو يا ريت حد يقوللي ممكن اعمل ايه او اروح لمين غير التوكيل عشان انا مبححبهمش.
انا منتظر مساعداتكم علي نار

**ramykimo** · 06-08-2010 06:48 PM

طب متشوف فرنش موتورز ... حتى لو فى حاجة عايزة تتغير ممكن تجبها استيراد و هيركبوهالك

**pioneerahmed** · 06-08-2010 07:17 PM

فى جهاز اسمة ستوب دة المسئول انا يدور العربية و انت دايس على الفرامل ممكن يكون بايظ

**Ahmad _Sheemy** · 06-08-2010 11:22 PM

المشاركة الأصلية كتبت بواسطة pioneerahmed

فى جهاز اسمة ستوب دة المسئول انا يدور العربية و انت دايس على الفرامل ممكن يكون بايظ

تقصد السويتش اللي علي بدال الفرامل؟
عموما اشكرك جدا يا باشا علي مساعدتك

**Ahmad _Sheemy** · 06-08-2010 11:24 PM

المشاركة الأصلية كتبت بواسطة ramykimo

طب متشوف فرنش موتورز ... حتى لو فى حاجة عايزة تتغير ممكن تجبها استيراد و هيركبوهالك

شكرا يا باشا يا ريت عنوانهم و هل ممكن ادخل مع السيارة وهي بتتصلح و لا لا

**ramykimo** · 06-08-2010 11:35 PM

طبعا ممكن و دى احسن حاجة فى فرنش موتورز انك بتشوف كل حاجة قدامك.. بص هما ليهم 3 فروع
1- الرحاب
2- شارع عين شمس
3- جسر السويس
انا بتعامل مع فرع حسر السويس .. اما سور نادى الشمس او منطقة الاف مسكن
التليفون: 0105402355
او 0101273041
انا ساكن قريب لو محتاجنى فى اى حاجة ده رقمى
0126595981...رامى كمال

**Ahmad _Sheemy** · 07-08-2010 11:17 AM

المشاركة الأصلية كتبت بواسطة ramykimo

طبعا ممكن و دى احسن حاجة فى فرنش موتورز انك بتشوف كل حاجة قدامك.. بص هما ليهم 3 فروع
1- الرحاب
2- شارع عين شمس
3- جسر السويس
انا بتعامل مع فرع حسر السويس .. اما سور نادى الشمس او منطقة الاف مسكن
التليفون: 0105402355
او 0101273041
انا ساكن قريب لو محتاجنى فى اى حاجة ده رقمى
0126595981...رامى كمال

و الله الدنيا بخير و انا كنت بافرح جدا جدا لما كنت بشوف حد في المنتدى بيعرض المساعدة علي اي حد تاني و لكن الان اول مرة حد يعرض المساعدة عليا انا شخصيا و كان الاحساس مختلف و الاخ رامي خد من الدعاء كمية رهيبة ربنا يتقبل و يجعل هذا الدعاء من نصيبه
شكرا جزيلا يا اخي و انا امبارح بالليل عملت الاتي:
راجعت الدوائر الكهربية ووجدت ان سويتش الفرامل موصل سيجنال الي كل من:
1- كمبيوتر الفتيس الاوتوماتيك
2- كمبيوتر الانجكشن
3- كمبيوتر كابينة القيادة
4- ريلاي نور الفرامل
ووجدت ليه اربع اطراف المفروض اتنين موصلين مع بعض من غير متدوس فرامل و لما تدوس يفصلوا و الاتنين التانيين يوصلوا وانا فكيته و قعدت اخبط فيه شويه كتير و ركبت لقيت كل حاجة تمام.
النهاردة هشتري فيوز 40 امبير للمروحة لاني ملقتش امبارح في صقر قريش غير 50 امبير فركبته مؤقتا
و لو علق سويتش الفرامل تاني هغيره.
هل تعتقد ان لازم الروح برضه لفرنش موتورز ولا خلاص كده خاصة ان العربية رجعت طبيعية (بناءا علي تجربة واحدة بالليل امبارح)
شكرا جداجداجداجداجداجدا

**ecybrarian** · 07-08-2010 12:58 PM

لازم تكشف على العربية علشان تطمن أكتر..وإن شاء الله تكون حاجة بسيطة

**ramykimo** · 07-08-2010 03:48 PM

روح و اطمن .. انت ممكن تشترى الفيوز من هناك و تركبه و خلى ابو دنيا يبوصلك عليها ... وقله من طرف المهندس رامى اللى معاه ميجان 2000...

عنينا ليك يا استاذ احمد ..