غرفه تبريد التكيف

**andrew uwj** · 07-09-2014 02:01 AM

سلام عليكم انا كنت غيرت ثلاجه للعربيه و كانت شغاله زى الفل و الله و كنت مبسوط بيها اوى بس الحلو مبيكملش فجأه لاقيت فى مايه تحت رجلى و كتير رحت للراجل فقالى ده كويل السخن ضرب هنلغيه قلت اوك مش مشكله منا كده كده مش بستخدمه و بعد كده لاقيت مايه تانى فرحتله فقالى ده الكويل اللى بتتركب فيه الثلاجه اتشرخ و مش عارف ايه

المهم بكام ده يا عم و هيتركب فى قد ايه قالى ده ب 600 جنيه و علشان يتركب هنحل التابلوه كله

انا مش مصدق الرقم ده ياريت حد يدلنى على اسعار و اجيبه منيين و لو فيه انواع و لكم جزيل الشكر

العربيه اوبل فكترا 2000 1600 المكنه السوده

**haisam ali** · 07-09-2014 02:10 AM

هذا نفر تعبان ... من الاخر كده صنايعى كفتجى كالعاده ....

بص يامعالى الباشا الثلاجه دى بتبقى راكبه فى علبه فبر كده تحت وورا الطابلوه ونازل منها خرطوم الفايظ اللى فى صدر العربيه ... انت بقى حصل عندك ايه ...!!؟ عشان تغير التلاجه الصنايعى بيفتح فى العلبه دى من الجانب تمام وبيركب الثلاجه الجديده وبعد كده بيركب الفتحه الفبر اللى هوه فتحها تانى بسيلكون فقوم ايه بقى هتلاقى السيلكون تعبان او ساب من مكانه فبينزل الميه اللى بتنزل من خرطوم الفايظ عندك جوه العربيه فى الدواسه ... يارب أكون قدرت افهمك ويكون كلامى مظبوط ... أسف جدا للاطاله ... هذا وبالله التوفيق

**فادى محمد** · 07-09-2014 11:19 AM

كلام اخونا هيثم مضبوط . المشكله في العلبه الفبر ( الحافظه) واللي ياكد الكلام ده ان التكييف عندك يكون شغال تمام قوي.

**فادى محمد** · 07-09-2014 09:41 PM

ما هو ده قصدنا . يلحم العلبه ولو حتي بالانبوبتين الايبوكسي
التبريد بتاع التكييف ايه وضعه؟

**andrew uwj** · 08-09-2014 12:56 AM

ولا حضرتكم قصدكم اللحلم الحته اللى بتنزل منها المايه ؟؟ ايا كانت

**فادى محمد** · 08-09-2014 01:00 AM

ممكن تكون الحته اللي في اليمين الملحومه بايظه وبتسيل ميه ناحيه الشمال , وارد .. وممكن يكون كسر جزء من العلبه ناحيه الشمال . كله هيبان بالكشف . طالما التكييف تلاجه يبقي زي ماتوقعنا مشكلتك في العلبه اللي بره . حاول تشوف صنايعي تاني لان ده استغلالي ومش امين