رجاء من وحوش الفلوانس

**just_magdy1** · 16-10-2014 07:49 PM

السلام عليكم
بعد رحلة مع ثلاث عربيات شارك قررت ان شاء الله خلال اليومين إللى جايين انضم لحضراتكم وأجيب الفلوانس e3 بنسبه كبيره
بس الحق يقال أنا كل خبرتى ومعلوماتى عن الفلوانس من خلال تجارب حضراتكم وبعض الفيديوهات اللي على النت يعنى لا ركبت ولا سقت ألعربيه واستفسارى عن الآتى :
- اخبار فخامة الصالون وهل هو افضل ام الشارك الهاى لاين من حيث الخامات والتقفيل
- أنا عارف ان ألعربيه عالية بس هل العفشه قوية تستحمل شوارعنا اللي أنتم عرفنها
هل فى عربيه بمبلغ ال ١٧٠ الف ترشحوها ليا وتكون افضل من الفلوانس ( اخرى المبلغ ده )
كمان عدد المفاتيح السمارت كل اتنين ولا اكتر وهل في شنطة عده بتيجي مع العربية وطفاية .... الخ
وشاكر لحضراتكم مقدما

**hanyyacot** · 16-10-2014 11:32 PM

ياباشا الف مبروك مقدما وتنورنا ان شاءالله . انا هارد على اللى اعرفه بس . اولا انا كنت هاشترى شارك تانى فئة قبل الفلوانس لكن لما شفت الفلوانس غيرت رأيي تماما مع العلم انى اشتريت اول فئة بس . خامات الفلوانس اجمل بكتير من الشارك واحساس عالى بالفخامة والشياكة . مع حبى وتقديرى للشارك بس اافلوانس حاجة تانى .
العفشة قوية ومحترمة اوى . انا باعمل بالعربية نفس اللى كنت باعمله ب البومة وبلاقى نتايج واعتمادية احسن غير انها اعلى عن الارض مع ثبات ممتاز على السرعات .
اعتقد فى مبلغ ال 170 ممكن تشوف المازدا و الفورد فوكاس . عربيتين حلوين فعلا ولكن يعيبهم عدم الانتشار والتوكيل . ممكن تشوف النيسان جوك اذا كنت عاجبك شكلها . فى الاخر شوف ايه المهم بالنسبالك وعلى حساب ايه لان مافيش عربية فيها كل حاجة .
موضوع المفاتيح السمارت ماعرفش عشان معايا e2 . العربية فيها طفاية وطقم عدة و اريال وفى ستارة خلفية و ستائر جانبية .
عموما دى وجهة نظرى الشخصية و ممكن اكون صح او غلط . لكن اجمالا الفلوانس هى الحصان الرابح لحد 170 الف . فوق كده هايبقى عندك خيارات تانى منافسة وجيدة وبالتوفيق

**just_magdy1** · 17-10-2014 12:12 AM

المشاركة الأصلية كتبت بواسطة hanyyacot

ياباشا الف مبروك مقدما وتنورنا انشاءالله . انا هارد على اللى اعرفه بس . اولا انا كنت هاشترى شارك تانى فئة قبل الفلوانس لكن لما شفت الفلوانس غيرت رأيي تماما مع العلم انى اشتريت اول فئة بس . خامات الفلوانس اجمل بكتير من الشارك واحساس عالى بالفخامة والشياكة . مع حبى وتقديرى للشارك بس اافلوانس حاجة تانى .
العفشة قوية ومحترمة اوى . انا باعمل بالعربية نفس اللى كنت باعمله ب البومة وبلاقى نتايج واعتمادية احسن غير انها اعلى عن الارض مع ثبات ممتاز على السرعات .
اعتقد فى مبلغ ال 170 ممكن تشوف المازدا و الفورد فوكاس . عربيتين حلوين فعلا ولكن يعيبهم عدم الانتشار والتوكيل . ممكن تشوف النيسان جوك اذا كنت عاجبك شكلها . فى الاخر شوف ايه المهم بالنسبالك وعلى حساب ايه لان مافيش عربية فيها كل حاجة .
موضوع المفاتيح السمارت ماعرفش عشان معايا e2 . العربية فيها طفاية وطقم عدة و اريال وفى ستارة خلفية و ستائر جانبية .
عموما دى وجهة نظرى الشخصية و ممكن اكون صح او غلط . لكن اجمالا الفلوانس هى الحصان الرابح لحد 170 الف . فوق كده هايبقى عندك خيارات تانى منافسة وجيدة وبالتوفيق

متشكر جدا لاهتمام حضرتك وفى انتظار ردود باقي الإخوة