موتور جولف 2

**madawbs** · 29-10-2008 10:24 AM

الحمد لله ركبت موتور للجولف 2 بتاعتى 1.8 rv

والموتور القديم مليان حاجات كتير كلها سليمة وشغالة 100 100 لو حد محتاج اى حاجة منها يكلمنى - بس مايكونش بيتاجر فيهم انا باتكلم لو واحد مزنوق فى حاجة منهم ولقاها غالية فى السوق ومش قادر على تمنها او حد بيشتغله فى الحرفيين او الوكالة.

(طبعا الحاجات دى ماتنفعش غير لمواتير جولف او ابيزا 1300 علشان محدش يكلمنى وهو موتوره 1600او 1800 - ماكنت خدتهم انا لو ينفعوا يركبوا فى الموتور الجديد)

اليكم قائمة بيها :

1- ريداتير بمروحته

2- قربة مياه

3- ماستر فرامل

4- علبة دريكسيون

5- كبالن

6- فتيس 5 غيار

7- مجموعة فتيس +عصاية فتيس (الجزء الى بيبقى جوة العربية)

8- الكونصول الى بيكون راكب فيه عصاية الفتيس

9- كاربراتير

10- اسبراتير

11- عمة موتور

12- خراطيم المياه

13- طرمبة مياه

14- طرمبة بنزين

15- موبينه

16- التاكيهات ومجموعة وش السلندر

17- علبة الفيوزات وضفيرة الموتور

18- شجرة شاكمان

19- مشط الاليكترونى

20- لو حد ليه مزاج يفك صبابات وكدة او حاجة من الى بتبقى فى قلب
الموتور شغال برضه لان الموتور عند الميكانيكى

21 - ايه تانى يابوحميد ايه تانى يابوحميد مش فاكر على العموم الى عاوز حاجة او متوقع حاجة تنفعه مايترددش يكلمنى وان شاء الله تحت امره

0103996099

-----------------------------
كان الله فى عون العبد ما كان العبد فى عون اخيه
-----------------------------

**ata7daki** · 17-04-2009 05:36 PM

يا بوحميد أنا عايز أعرف الموتور الجديد أخبارة أية ؟
البنزين؟ أنا هشترى عربية 1.8rv و صاحبها مش عارف كام صوباب
أنصحني من فضلك

**max_ziro** · 19-04-2009 04:07 PM

ربنا يبارك فيك
يارتنى كان معايا جولف كنت اخدت منك الحجات دى (اصلى بحب الشيل الحجات احتياطى)
للاسف معايا سيفيا و صاحبى معاة جولف 2 بس بالمتور الrv 1800
..

**madawbs** · 21-04-2009 01:50 PM

المشاركة الأصلية كتبت بواسطة max_ziro

ربنا يبارك فيك
يارتنى كان معايا جولف كنت اخدت منك الحجات دى (اصلى بحب الشيل الحجات احتياطى)
للاسف معايا سيفيا و صاحبى معاة جولف 2 بس بالمتور الrv 1800
..

ربنا يكرمك بس الحاجات اتفرقت كلها الى اتباع اتباع والى اتفرق اتفرق وانتهى الموضوع من زمان (على فكرة انا باموت فى الكيا سيفيا من اجمل العربيات الى سوقتها حتى الان لما بتبقى مظبوطة بتبقى حكاية بس ضيقة عليا شوية)

**ahmed1981** · 21-04-2009 02:03 PM

هو الموتور ال 1800 اللي حضرتك ركبته إتكلف كام بجميع مصروفاته ومصنعياته ؟؟؟

لأني معايا جولف2 مو90 وبفكر أبيعها أو أسقطلها موتور وأظبطها لأن موتورها فيه بعض الأطال وهو 1300
يا ترى تنصحني بعد تجربتك أبيع ولا أسقط موتور بتكييفه ؟؟

**madawbs** · 21-04-2009 05:25 PM

المشاركة الأصلية كتبت بواسطة ahmed1981

هو الموتور ال 1800 اللي حضرتك ركبته إتكلف كام بجميع مصروفاته ومصنعياته ؟؟؟

لأني معايا جولف2 مو90 وبفكر أبيعها أو أسقطلها موتور وأظبطها لأن موتورها فيه بعض الأطال وهو 1300
يا ترى تنصحني بعد تجربتك أبيع ولا أسقط موتور بتكييفه ؟؟

نصيحتى بأمانة اذا كان موتورك ممكن يتظبط ويريحك اوكى ظبطه احسن لو تظبيطه مكلف وعاوز تغير الموتور احسب سعر بيع عربيتك + تكلفة الموتور (معايا انا التكلفة المباشرة كانت تقريبا 9000 جنيه + تكاليف غير مباشرة ومشاكل بتبان بعد شوية كمان 2000 جنيه وشوف المبلغ ده لو هايجيبلك عربية تانية جديدة مثلا او كسر وهاتريحك يبقى البيع احسن اما لو مش هايجيبلك يبقى عدل موتورك ... بس نصيحة الموتور ال 1300 لما بيتظبط مافيش اخوه بس بشرط ماتركبلوش تكييف تقيل وماتفكرش فى الباور (بالنسبة ليا انا الحمد لله انا دلوقتى مش ندمان على التغيير (الكلام ده بعد 6 شهور تظبيط فى الموتور الجديد بس لو الزمن رجع تانى كنت هابيع واجيب عربية تانية جديدة بدل ال 6 شهور البهدلة دول)

**ahmed1981** · 21-04-2009 05:47 PM

المشاركة الأصلية كتبت بواسطة madawbs

(بالنسبة ليا انا الحمد لله انا دلوقتى مش ندمان على التغيير (الكلام ده بعد 6 شهور تظبيط فى الموتور الجديد بس لو الزمن رجع تانى كنت هابيع واجيب عربية تانية جديدة بدل ال 6 شهور البهدلة دول)

ألف شكر لحضرتك على النصيحة
أنا كده شلت فكرة تسقيط الموتور من دماغي

**madawbs** · 22-04-2009 09:26 AM

المشاركة الأصلية كتبت بواسطة ahmed1981

ألف شكر لحضرتك على النصيحة
أنا كده شلت فكرة تسقيط الموتور من دماغي

عين العقل

**ramy_fiat_2000** · 27-04-2009 08:49 AM

والله يا باشا ياريت كل الناس زيك تساعد بعضها
بس انا كان عندى سؤال بعد اذنك
انا نفسى اغير عربيتى واركب جولف 89 بس موتور 1600 او 1800 بس قلقان من قطع الغيار والميكانيكية اللى ممكن اتعامل معاهم ممكن اعرف العربيه ظروفها ايه فى قطع الغيار واستهلاك البنزين ؟

-

الموضوع: موتور جولف 2

LinkBack

أدوات الموضوع

عرض

موتور جولف 2 - انشر الموضوع فى :

-

-

-

-

-

-

-

المواضيع المتشابهه

موتور جديد في جولف 2

جولف 2 موتور 2400

موتور جولف 2

موتور جولف 2

الكلمات الدلالية لهذا الموضوع

المفضلات

المفضلات

ضوابط المشاركة