نصيحة من ملاك الفلوانس

**just_magdy1** · 06-11-2014 11:17 PM

زي ما حضراتكم عارفين اشتريت فلوانس e3 من ايام وبفكر أركبلها فرش جلد وقدامي ٣ خيارات
اركبلها فرش جلد بس مش عايز سعره يكون فوق الألف جنيه وفي إلحاله دي تنصحوني بنوع آيه واللون مع العلم ان لون عربيتى شامبين .
الخيار التاني أني اشتري عراقتين للكراسى الإماميه .. برضه لو فى نوع كويس تنصحوني بيه
الخيار الأخير أني اسيبها زى ماهي فى ظل ان الكراسى نصف جلد مع المحافظة قدر الإمكان
وشكرا لحضراتكم

**ENG.MaRk** · 06-11-2014 11:25 PM

روح عند جينز كار أو المرصفاوي في المقطم

**yasser100** · 06-11-2014 11:36 PM

فيه واحد فى ميدان الجامع بيبيع فرش زى اللى نازل فيها بالظبط و نفس الخياطه و اللون . هو بيقول المانى ب 700 جنيه

**just_magdy1** · 06-11-2014 11:53 PM

المشاركة الأصلية كتبت بواسطة yasser100

فيه واحد فى ميدان الجامع بيبيع فرش زى اللى نازل فيها بالظبط و نفس الخياطه و اللون . هو بيقول المانى ب 700 جنيه

ميدان الجامع ده في مصر الجديدة لانى من الاسماعيليه ياريت حضرتك توصف المكان ليا وهل حضرتك شفته بنفسك وتقديرك كويس ولا مش مقنع

**yasser100** · 07-11-2014 12:50 AM

المشاركة الأصلية كتبت بواسطة just_magdy1

ميدان الجامع ده في مصر الجديدة لانى من الاسماعيليه ياريت حضرتك توصف المكان ليا وهل حضرتك شفته بنفسك وتقديرك كويس ولا مش مقنع

و الله انا شوفته فرش كويس . بس انا كان فيه حاجتين خفت منهم . و هو بيركبه يهز حاجه من فيش الايرباجز و فى نفس الوقت استخسرت اغطى الفرش الاصلى . هو انا يعنى كنت شاريها بالفرش ده ليه و دافع تمنه فى العربيه ؟ و ركبت عراقتين بس العراقات ما فيش مقاسها لانه الكرسي ضخم فى الظهر و القاعده . انا هاروح اشترى غطا من عنده و هاعرف اسمه . بس اكيد هاتلاقى الفرش ده منتشر . علشان استايل فرش الفلوينس الفيس ليفت مميز قوى فى شكله و خياطته و بينزلوه لعربيات تانيه كمان . اسأل برضه عندك اكيد هاتلاقيه هو نفسه اللى عندك بالظبط فى العربيه بس بيتركب و يتفك .

**mimohsen** · 07-11-2014 01:59 PM

انا لسه مستلم فلوانس e3 من يومين ولسه مرخصتش وفكرت اعمل فرش بس بصراحه قولت اعمل فرش علشان لما ابيع كمات كام سنه الاصلى يكون بحالته ... استمتع انا بيه احسن وخايف من موضوع فك الكراسي والفيلم ده

**Hany Saad** · 07-11-2014 02:45 PM

انا بعت الميجان بعد ٨ سنين استخدام و عندى طفلين صغيرين و الفرش كان بحالته
اركب و استمتع بخامة الفرش الجميلة الموجودة و لما تيجى تبيع يبقى يحلها الحلال
ده رأى

تحياتى

**just_magdy1** · 07-11-2014 03:47 PM

شكرًا لكم جميعا ... الساده/Hany ، mimohsen ، batman ... أوافقكم الرأي

-

الموضوع: نصيحة من ملاك الفلوانس

LinkBack

أدوات الموضوع

عرض

نصيحة من ملاك الفلوانس - انشر الموضوع فى :

-

-

-

-

-

المواضيع المتشابهه

الى ملاك الفلوانس e3s

إلى كل ملاك الفلوانس facelift

نصيحة فى الفلوانس

طلب نصيحة من ملاك الفلوانس

الكلمات الدلالية لهذا الموضوع

المفضلات

المفضلات

ضوابط المشاركة