الموضوع: عاوز أجيب فلوينس بس خايف

1- مشكلة زيت الفلوينس مشكله منتهيه . كانت ظهرت فى بعض الحالات فى الدفعات الاولى 2014 و ما كنتش مشكله بمعنى مشكله على اد ما كان عدم معرفه من التوكيل بموتور العربيه لانه كان لسه جديد عليهم . اتفضل اقرا الموضوع ده علشان تطمن و حاليا من اكتر من 6 شهور ما فيش اى شكاوى .

http://www.nilemotors.net/Nile/433260-a.html.

2- الفلوينس مختلفه تماما عن الميجان و العربيه موجوده من 2010 بدون مشاكل و حتى 2013 و الموديل الجديد بتاعها من 2014 نقله كبيره فى الموتور و الفتيس و التجهيزات .

3- سعر اعادة البيع للفلوينس مختلف كتير عن الميجان و ادخل بنفسك كونتاكت كار و شوف . غير طبعا انه الموديل الجديد هايكون سعره فى اعادة البيع اعلى . مش هاقارن بين سعر عربيات تانيه و لكن سعر اعادة بيع محترم .

4- على طريقة سواقتك دى الفلوينس مثاليه جدا معاك بصراحه :)

سعر الفئه التانيه اعرف انه 155000 جنيه . ال 165000 دى جبتها منين ؟

و اهلا بك و ربنا يوفقك :)

أنسب حاجة ليك بعد اللى قولته في الموضوع هو الفلوانس
وانسى حوار الميجان لأن الفلوانس دلوقتي كل حاجة فيها اتغيرت والفتيس أصلا بقى cvt
اشتري وانت مطمن.

المشاركة الأصلية كتبت بواسطة Ahmed Hemaid

ياسر باشا ..

ازيك الاول ياباشا .. انا عندى مشكله نقص الزيت ديه .. بس انا عامل دلوقتى 9600 كيلو والديجيتال ناقص كورتين .. والمقاس ناقص تحت ال h بحوالى 3-5 ملم .. هل دى حاجه تخوف انا كده كده رايح إن شاء الله الصيانه 10000 الاسبوع اللى جاى .. كنت عايز اخد رأيك ... الف شكر

انا حاسس ان الموضوع مش كبير لمجرد انى سافرت كتير بالعربيه وبعدين لو كانت مشكله كانت ظهرت بدرى عن كده

الاخ اللى محتار يشترى ايه ... فلوااااااااانس .. قولا واحدا :)

ما عندكش اى مشكله ياريس , هو ده الخطأ اللى كان بيقع فيه التوكيل و احنا كمان ما كناش فاهمين حاجه هههههه , العربيه كانت جديده على الكل .

كلنا فاكرين انه مقياس الزيت المانيوال الزيت يبقا فيه على حز علامة ال max و هو المفروض يكون مغطى علامة ال H اللى فوق و معديها كمان سنه بسيطه .

الجزء اللى فوق الحز يتاع ال max و لغاية حرف ال h ده بكورتين على الديجيتال و المنطقه المشرشره لغاية حز ال low دى بكورتين و المنطقه اللى من عند حز low لغاية المنطقه المتعرجه تحت دى بكورتين , كده عندك تقسيمة المقياس المانيوال مع المقياس الديجيتال .

العربيه بتاخد 4.2 لتر زيت , البهوات فى المصنع هناك منزلين العربيه ناقصه نص كيلو الى 4/3 كيلو زيت و ظابطين المانيول مستوى الزيت فيه على الحز اللى فوق بالظبط , مستخسرين الزيت و لا ايه مش فاهم , كده مبدئيا طار منك كورتين اللى فوق , لو كنت نزلت الزيت اول ما جبت العربيه كنت هاتلاقيه 3.5 كيلو مش 4.2 و لو كنت حطيت 4.2 كنت هاتلاقى مستوى الزيت مغطى الحز كله و مغطى حرف ال h اللى فوق كمان , و التوكيل مش عارف حاجه و احنا فاكرين انه الزيت بينقص , دلوقتى تداركوا الموضوع ده مع المصنع .

عربيتك سليمه و زى الفل ما فيش فيها حاجه :)

الكورتين اللى ناقصين عندك دول ناقصين من المصنع اصلا و ده كان علينا كلنا , اول مستوى الزيت ما بينزل عن الحز سنه بسيطه بيطير الكورتين و تعتقد انت انه الدنيا سوده و الموتور شرب الزيت ههههه .

اقرا الموضوع ده , انا حضرت دكتوراه فى القصه دى :)))

http://www.nilemotors.net/Nile/434538-2014.html

تحياتى