الموضوع: غش البنزين .....

سلام عليكم ...
من فترة وبلاحظ - كركرة - في العربية اثناء الأنتظار او الوقوف في اشارة .. وبالسؤال .. أفاد ذوي الخبرة اني أكيد بأستخدم بنزين 80 :)
ولما أكدت لهم اني بأستخدم بنزين 92 بشكل دائم .. أكدوا بدورهم إني بأحط بنزين مغشوش ..
===
الحقيقة العملية دي حصلت وانا عادة بأستخدم بنزينة موبيل .. بس بدأت أكون أكثر دقة في ملاحظة البنزينات اللي بيحصل بعدها القصة دي ..
ومش بأتعامل معاها تاني ...
===
مؤخراً بدأت الاحظ علو صوت الموتور مع ضغط دواسة البنزين مع عدم وجود سحب ..
وبزيارة التوكيل أفادوا ان علبة الشكمان مخرومة .. وان البنزين فيه مية ..

الأسعار اللي سمعتها خلتني الحقيقة اخد بعضي وامشي :) لأن سعر الشكمان كان 2450 :)

وسعر اخلاء البنزين وغسل التانك كان 250 ..

وعليه قمت بعمل لحام للشكمان برة ... علي الاقل بشكل مؤقت لحين ما نشوف حنعمل ايه .. وبالفعل اتحسن السحب .. وبقي صوت - الكركرة -

السؤال بقي بعد المقدمة اللي وجعت بيها دماغكم دي :)

ازاي نقدر نتخلص من الماء بشكل تدريجي ؟؟؟

هل لو استهلكت التفويلة الا قليلاً وزودت 10 لتر ثم استهلكت ثم زودت 10 لتر الي ان انتهي من النزين القديم بالكامل ده صح ؟؟

ولا استهلك عادي وبعدين احط بنزين من وطنية مع المادة اللي بتتحط علي البينزين كما في الموضوع ده :


http://www.nilemotors.net/Nile/180488-a.html

وهل احط المادة دي واغير فلتر بنزين كما ورد في الموضوع ولا مش شرط ؟؟؟

افيدونا افادكم الله ..

حاجة اخيرة .. اكيد لازم يبقي فيه اجراء ما بيتخذ ضد المحطات دي .. رقم تليفون مباحث البنزين مثلا

انا حطيت بنزين مرة و العربية فضلت تكركر فى الاول و التانى... كنت مفكر انى بطلع غلط او الصيانة متأخرة او مفروض اغير زيت
الميكانيكى قالى لا دا بسبب البنزين و ماصدقتوش
المهم فولت بعديها بفترة و كنت نسيت الموضوع.. لاحظت ان الكركرة راحت خااااالص و نعومة تامة
افتكرت موضوع الكركرة السابقة و فضلت اعصر دماغى انهى بنزينة دى اللى مونت منها و عملت معايا الكركرة بعدها
المهم افتكرت
و انت على طريق مصر اسماعيلية اتجاه الرجوع للقاهرة .. ادخل يمين و اطلع الدائرى اللى عند السلام اتجاه المرج هتفضل ماشى هتلاقى بنزينتين جنب بعض -مش فاكر اسمهم الصراحة-البنزينة الاولى هى اللى مونت منها و هى تحس انها محدوفة كدة و مهجورة
انا قلت ابلغ عشان محدش يمون منها
عرفت بعد كدة ان معظم بنزينات الدائرى غير موثوق فيها -دا كلام اصدقاء لى.
دلوقتى مش بمون غير من مصر الجديدة و مدينة نصر
و هضيف ليهم بنزينات وطنية