فلتر البنزين

**o0Hanafi0o** · 13-12-2014 11:26 PM

عايز اعرف ايه انواع الفلتر الى بتركب على العربيه opel vectra 1999 عايز نوع يكون سعره مش غالى وكويس وايه عموما الانواع الى بتركب عليه واسعارها ايه

وكنت عايز اسال على حاجه انا عندى زياده نسبيه فى استهلاك البنزين فعايز ابدا بالحاجات الصغيره شويه بشويه لحد اما اعرف العيب فين كده كده الفلتر بقاله فتره متغيرش فهغيره وبعده بالوجيهات ممكن ايه تانى يتغير من الحااجت الصغيره مع العلم انى ساعات بسيطه اوى بشم ريحه بنزين نى وانا ماشى بس مش كتير

**مصطفى فراج** · 14-12-2014 01:17 AM

في توبران الماني ب 45 جنيه

**gomgom3** · 14-12-2014 02:11 AM

بص لو فيع دخنه سوداء متغيرش اي حاجه
هتبداء علطول بالبص غلي الرشاش هاشوفه بيسيل ولا لا
تاني حاجه هتبص علي حاله شكوش الاسبراتر متاكل ولا لا
وبعديها تبص علي حساس كولنت وبعدها حساس المام الي في صدر العربيه ابو فيشه خضراء وبعد ةدز تبص علي خرطوم راجع البنزين الي راكب علي البوابه ساعات بيكون فيه سدة واخيرا هتبص علي سلك البوبينه والمشط ومعاهم بالمرة طلمبه البنزين

**وائل البرنس** · 14-12-2014 07:13 PM

ممكن تركب الفلتر الصاج وده سعره تقريبا 25 جنيه وموجود عند اي حد بتاع قطع غيار ، وحاول تفك البوجيهات واحد واحد وشوفهم حارقين كويس ولا لأه لو مش حارقين كويس هات بوجيهات بوش او جي ام 2 شمعه ، متنساش تبص علي سلوك البوجيهات

**o0Hanafi0o** · 15-12-2014 11:35 AM

هو مفيش اى دخنه والحمد لله الشكمان بيعرق ميه والسحب زى الفل بس الاستهلاك زايد شويتين ولو حطيت قماشه بيضه او منديل قدام الشكمان بلاقى فيه نقط سوداء خفيفه كده بترسب على المنديل ديه الاعراض الوحيده الى عندى وجزاكم الله خيرا على ردودكم