الموضوع: طلب رأيكم بخصوص تركيب كاسيت

انا معايا ستروين اكسارا
الكاسيت بتاعها عادى شريط وراديو وبيركبلها 1din بس
وفيها مالتى مديا بالطارة
فيها 4 سماعات بالأبواب و 2 تويتر فى الطابلوه

اول ما اشتريتها مكانش عاجبنى الصوت فغيرت سماعات الابواب الأربعة
بسماعات سونى 3way , قدام 260W 40rms , وورا 230W 35rms

طبعا الصوت فرق كتير بس طبعا موصلش للمستوى المرضى
خصوصا ان الكاسيت شرايط فأنا شغال على الـ fm trans radioshack

دلوقتى بقا انا بالنسبالى السماعات مرضية ومش ناوى اركب بيضاوى ورا ولا صب

النقطة بقى : الصوت ممكن يكون افضل لو جبت شريط الـ mp3 وأوصله بالـ FM trans
عشان جودة شريط الكاسيت اعلى من جودة الراديو
بس عشان اجيب شريط نوعه نضيف من اقل من 100 جنيه من راديو شاك

وفى الحالة دى انا شايف ان الافضل انى اجيب كاسيت صينى زى symphony او Adrian
خصوصا انى مش محتاج غير اشغل فلاشة او كارت ميمورى
وده حيكون فى حدود 200 الى 250 جنيه
وده حيكون صوته افضل بكتير من الحوار اللى عندى على ما اظن

"بس حيبقى فى مشكلة أنى حفقد ميزة المالتى ميديا اللى فى الطارة "

انا من يومين شوفت كاسيت سيمفونى بيتباع بـ 450 جنيه وفيه كمان بلوتوث
وتقريبا 35W rms x4
بس مش عارف ده ممكن يكون بيدعم تحكم الطارة ولا لأ

ايه رايكم ؟؟؟

تحكم الطارة في الdvd الصيني انما الكاسيت الصيني اياً كان لو 1din مش هتلاقي مالتي لية .... افضل شيء تستني شوية و تجيب بيونيير بيبتدي من 500 بس يستاهل و جودة و صوت تحفة .... ثانياً اوعي يخمك ال 35 x4 دا اخرة 7 x4 اصلاً !!! الكاسيت البيونيير اللي هوا اقوي كاسيت هوا و الالباين بيطلعوا 22 x4 فا دي اشتغالة