opel corsa 2005

**Mohamed Fathy** · 20-01-2015 09:33 AM

السلام عليكم ورحمه الله وبركاته
انا كنت عايز اخد رايكم فى العربيه دى اوبل كورسا 2005 عشان انا بفكر اجيبها او اجيب فيرنا جديده
انا اهم حاجه عربيه مفيهاش اعطال واحط بنزين وامشى واى ميكانيكى يشتغل فيها بس انا خايف من موضوع الكمبيوتر بيقولو بيبوظ وانا مش عارف خايف فياريت حد يوجهنى لانى خلاص شفت عربيه ومش عارف اكشف عليها فين والمفروض ابص على ايه لانى هشترى النهارده

**Shido** · 20-01-2015 10:02 AM

استاذ محمد مفيش اي وجه مقارنه بين العربيتين. وبجد وعن تجربه 4 سنين الكورسا ال 1600دي اعطالها صفر قطع غيارها معقوله جدا وطبعا معمره جدا. موتور وتكييف قوي كل الكماليات واعلي من الفيرنا في الكماليات كمان...... اهم حاجه وانت بتجبها تكون سليمه جدااااااا. وياريت لو تكشف توكيل وتشتري نفسك عشان ماتدبسش وتفتح بقها معاك

**eng wael** · 20-01-2015 11:28 AM

العربيه ماشاء الله بقالها معايا 10 سنوات بدون اى اعطال ولما بدأت تشتكى من سنه غيرت طلمبه ميه فقط
المهم فى الموضوع انك تكون متأكد من حاله العربيه ومع الاسف ده شئ من المستحيلات لانى شفت ناس معاهم العربيه عند الميكانيكى بعد شرائها بشهر او اتنين وظهر مشاكل فيها مش هتعرفها وانت بتشترى حتى لو معاك شيخ الصنايعيه
لو اساسياتها سليمه وكبس الموتور كويس يبقى تمام بس توقع ظهور اى عيوب ده لو طبعا صاحب العربيه ذمته استك ومقالش على عيوبها معاه
استخير وبصراحه الزيرو اضمن