Rpm في رينو فلوانس 2011 بيرعش خفيف

**dr.oun** · 15-03-2015 08:34 PM

انا لسه جايب النهارده رينو فلوانس 2011

لاحظت حاجتين

ال rpm بيرعش في السلانسيه 800 - 900

و الحاجه التانيه ان في رعشه خفيفه جدا في الغيار بين الاول و التاني

و سمعت ان الموضوع ده معروف في الفلوانس

هو ليه حل ؟

جزاكم الله خيرا مقدما

**Hany Saad** · 15-03-2015 08:40 PM

الف مبروك العربية الجديدة
لو الرعشة دى فى ال rpm على طول موجودة يبقى تروح التوكيل يشوف البوابات يمكن عايزه تنضيف او يكشف عليها عامة ،انما لو الرعشة بتحصل ساعات فممكن علشان مروحة التبريد اشتغلت مثلاً او الكشافات او موتور الباور او هكذا و ده طبيعى.
بالنسبة للنتشة اللى بين الغيار التانى و التالت فده محول العزم فى الفتيس و هو شىء طبيعى فى غالبية السيارات الأوروبى اللى بتستخدم فتيس بمحول عزم....للاسف لا يوجد طريقة علشان تضيع النتشة دى

تحياتى

**dr.oun** · 16-03-2015 01:14 PM

انا حاسس ان دواسة البنزين فيها مشوار فاضي و ال rpm مش بيعلي فيه خالص

هل ده عشان سواقه اللي بايعهالي كانت سواقه حريمي و ان العربيه فيها سينسور احساس باللي سايق و طبيعة سواقته ؟

و لا ده شداد البنزين محتاج يتشد

و كمان الموتور متوسخ جدا فازاي اغسله ؟؟ عشان ميحصلش اي مشاكل للسينسورز

**shennoz** · 26-03-2015 12:15 PM

انا تجربتى كانت رعشه فى عداد السرعة ورعشة كمان فى نور التابلوه.. الحل كان تنضيف اواشيط البطارية وبقت زى الفل

**yasser100** · 26-03-2015 01:17 PM

المشاركة الأصلية كتبت بواسطة dr.oun

انا حاسس ان دواسة البنزين فيها مشوار فاضي و ال rpm مش بيعلي فيه خالص

هل ده عشان سواقه اللي بايعهالي كانت سواقه حريمي و ان العربيه فيها سينسور احساس باللي سايق و طبيعة سواقته ؟

و لا ده شداد البنزين محتاج يتشد

و كمان الموتور متوسخ جدا فازاي اغسله ؟؟ عشان ميحصلش اي مشاكل للسينسورز

اصبر شويه مع ستايل سواقتك , لانه كل فتيس اوتوماتيك بيكون فيه كمبيوتر بيبرمج نفسه على طريقة الشخص اللى بيسوق لفتره علشان يدى احسن استجابه لسواقة الشخص ده .

الغسيل اوعى تغسل الموتور فى البنزينات لا ميه و لا فوم . انفخه بالهوا او روح التوكيل