العربية مكتومة وبتحرق بنزين - فيكترا بي2 1600 مانيوال

**battoot** · 04-04-2015 03:14 AM

بسم الله الرحمن الرحيم
رجالة المنتدى الي مغرقينا معلومات مخدنهاش من اجدع صنايعية في بلدنا
اتمنى تكونو بخير ,,
العربية عندي حاسس انها مكتومة , السحب شغال لحد ال 120 , بعد كده بتتقل
قلت ماشي 75 حصان على الفيل ده طبيعي , بس اني اطلع طريق مفتوح و ربع ساعة رجلي في اخر الدواسه متجبش الـ 160 حتى ؟ منطقي الكلام ده ولا ايه رأيكو ؟
مع العلم :
تم تغيير طقم سيور كامل
طقم فلاتر كامل
طقم دبرياج - بلية واسطوانة وديسك-
طقم زيوت بالكامل
الكلام ده من 2000 كيلو بالظبط
ونضفت البوابة والانجكشن بعد السرفيس
وبوجيهات gm اصلي
و المشكلة ان العربية بتاكل بنزين , ال تفويلة 60 لتر بتعمل 400 كيلو !!
بس المشكلة اني بحرق , مش دايماً بس بحرق..
و كشفت بالجهاز عند محمد عبد الراضي قالي الحرق تمام معندكش مشاكل
وبعدين بص ع الكولنت قالي حساس الكولنت فيه بوش , غيرته
الموضوع اتحسن شوية , بعد ما كانت التفويلة بتعمل 350 كيلو من غير حرق والار بي ام مبيعديش 3.5 طول التفويلة , بقت بتعمل 400 وانا بحرق !
مش عارف المشكلة فين ؟ مستني ارائكم ..

__

تفتكرو ممكن مشكلة الكتمة بتاعة السرعه دي تكون من الفتيس ؟
كنت قريت قبل كده ان الفيكترا بي بتنزل ب 2 فتيس مانيوال
واحد مارش تحت الخامس
والتاني مارش ع الاولاني
وقريت رد لاستاذ فادي ان فيه فتيس نزل الاول بعد كده نزل فتيس بعده بيحسن من سحب العربية وادائها
وانا الفتيس اللي عندي مارش تحت الخامس ! مع العلم ان عربيتي 2002
بصراحة احترت ومش عارف المشكلة فين
اتمنى حد يفيدني او يدلني على النقطة اللي توصلني للعيب فين
اسف ع الاطالة وشكراً مقدماً

**shake** · 04-04-2015 12:06 PM

متا بع

**Mecha** · 04-04-2015 02:31 PM

ممكن رشاشات

**احمد فهمى** · 04-04-2015 04:40 PM

لو الموضوع ده حصل بعد تغيير سير الكاتينه فى الغالب الكاتينه فيها تأخير والعربيه 73 حصان ده كده تمام اوي الشركه نفسها كاتبه السرعه القصوي 170 وده لو مشيت عليها مده متورك هيتكسر يعنى حدودك 150 لو عايز تحافظ على متورك وعندك الموضوع طبيعى ال2002 مارش تحت الخامس كل اللى قبلو مارش اولانى وسوسته وفتيسك السريع افضل من القديم راجع على الكاتينه والفلاتر