الموضوع: أفيدوني يا أهل الخبرة بالزيوت هام هام هام

أنا لسه شاري عربية مستعملة و معنديش خبرة بالزيوت و محتاج أغير زيت
اولا العربية ألفا روميو 156 موديل 1998 و ماشية 136000
أنا دورت في الكتالوج الي جي مع العربية و لقيت الزيت المطلوب 10w40 ( مرفق الصورة من الكتالوج )
أنا عايز اجرب نوع من ال 2 دول
1- Liqui Moly MoS2 Leichtlauf 10W-40
2- castrol magnatec 10w-40
فبرجاء من أهل الخبرة مساعدتي في الاختيار
مع العلم اني ناوي استعمل Engine Flush Plus من Liqui Moly لتنظيف الموتور من أثار الزيوت القديمة
(هل أستخدمه ولا حيبوظ حاجة في الموتور ؟)
ولكم وافر الاحترام و التقدير

المشاركة الأصلية كتبت بواسطة borio1704

طبقا للرسمة اللي حضرتك حاططها.. ففعلا اللزوجة المناسبة هي 10w-40

وأحسن حاجة في اللزوجة دي هي إن متطلبات الجودة بتاعتها مش عالية
يعني كود الـapi يبقى sl على الأقل... وكود الـacea يكون a3.

عموما.. بالنسبالي الزيتين اللي حضرتك عايز تختار منهم زي بعض... مفيش فرق غير إن الكاسترول واخد اعتمادات من مرسيدس وفولزفاجن

دي مواصفات الليكوي مولي
liqui moly - motor oils, additives, car care - products - mos2 leichtlauf 10w-40

ودي مواصفات الكاسترول
http://msdspds.castrol.com/bpglis/fu...pxe-8xz73r.pdf

أنا شخصيا ميال لكاسترول.. مش لحاجة غير إن كاسترول ماركة معروفة على مستوى العالم .

بس خلي بالك كويس علشان كاسترول فيه منه نوع نازل في الإمارات بنفس اللزوجة ومعليهوش كود الـacea... وده ما ينفعكش.. لإنه مخصص للسيارات غير الأوروبية.

دي مواصفاته
http://msdspds.castrol.com/bpglis/fu...rae-9jhhzd.pdf



لو نويت عالى كاسترول.. خليك في الموجود عند الوكيل المصري.



آه... بالنسبة للفلش... ما أنصحكش بصراحة... العربية دلوقتي عمرها فوق الـ15 سنة... ولو حطيت فلش.. أتوقع تلاقي تسريب زيوت من الموتور من كل حتة.

الفلش بيتحط علشان يشيل الرواسب بتاعت الزيت القديم.. وعادة الرواسب دي بتبقى عاملة زي الطين

زي الصور دي:





افتح غطا التاكيهات وبص على الموتور بصة صغيرة.. لو شفت منظر زي ده



... ابقى حط فلش..


لقيت الموتور نضيف .. زي كده




يبقى تسيب الموتور يشتغل... هو كده تمام.


...

واللهي مش عارف أشكر حضرتك علي زوقك و علمك و خبرتك ولا ايه ولا ايه
أجابة وافيه جداً و شكلي كده مش ححط منظف عشان بصراحة أخاف أفتح حاجة في الموتور اصلاً (العربية بالنسبالي لسه جديدة ) أنا حغير فيلتر و زيت كويس و خلاص
ألف شكر مرة ثانية لردك الوافي