الموضوع: استفسار عن زيت تخليقى

هي مواصفات زيت xado اللي حضرتك عايز تحطه إيه هي بالضبط؟؟

ما تربطش نفسك بأي ماركة مهما كانت مشهورة... خلي حكمك على مواصفات الزيت اللي المفروض تكون زي المطلوبة في الكتالوج على الأقل.

ولو حضرتك اخترت الزيت صح.. فإنسى موضوع الإضافات والكلام ده كله... أغلب كتالوجات السيارات بتقوللك إن موتور عرببتك مش محتاج أي إضافات لو استخدمت الزيت اللي بينصحوا بمواصفاته.


...

المشاركة الأصلية كتبت بواسطة amrelzawawy

استاذ بوريو معجب بردودك العمليه واستفدت منك كثير لكن حضرتك وقفت عند نقطة انه يكون مناسب للموتور فى المواصفات احنا فى المرحلة اللى بعديها عايزين تعليق منك فى حالة اننا اخترنا كل المواصفات المناسبه لموتور حديث وليكن 5w40 بجودة sn و الacea a3 او a5 تخليقى بلكامل بنلاقى اداء الزيت بيختلف من نوع لنوع هل ممكن من تجارب وبحث ايه افضل البراندات فى كل لزوجه من تجارب الاعضاء مع ثبات العوامل زى اللزوجة والخدمه وحداثة الموتور ؟؟؟؟

أتفق معاك تماما.. وده اللي نفسي حد يعمله.

كل المواضيع المطروحة للسؤال عن الزيوت أو مقارنتها في المنتدى بتتكلم عن ماركات فقط دون الدخول في مواصفات فنية.

نفسي فعلا حد يجيب زيتين من ماركتين مختلفتين ويكون ليهم نفس المواصفات.. ويجرب ويشوف الفرق.. ساعتها تبقى المقارنة صحيحة ونقدر نحكم بشكل عملي على جودة الزيت.

والمفروض كمان لما آجي أقارن تكون كل المواصفات زي بعض.. يعني نفس كود الـAPI... ونفس كود الـACEA... ولو قدرت كمان تكون معظم الاعتمادات زي بعض.

وأنا أتوقع في الحالة دي إن الفرق بين الزيتين هيكون بسيط جدا .. ده لو كان موجود أساسا.



عموما.. لو لقينا اختلاف.. فده بيبقى جاي أساسا من اختلاف نوعية الإضافات ما بين شركة لأخرى..

ده غير اختلاف زيوت الأساس..

زيوت الأساس (المعدنية أو التخليقية) مصنفة لخمس مجموعات (حسب تصنيف الـAPI) ... منهم 3 معدنية و 2 تخليقية.. ومعظم الزيوت التخليقية اللي في السوق من مجموعة 3 (أساسها زيوت معدنية).

تفاصيل الموضوع ده هلاقيها هنا:
http://www.nilemotors.net/Nile/453047-a.html


فيه معلومة تانية عرفتها قريب... إن الزيوت التخليقية الحقيقية (من المجموعة 4 و 5) بتخلي صوت الموتور عالي... وسبب الكلام ده إنها قدرت توصل لأماكن ما وصلهاش الزيوت المعدنية التانية

والكلام ده يمكن هو السبب إن معظم اللي بيستخدموا موبيل 1 بيحسوا إن صوت العربية اتغير للأسوأ.



ممكن كمان بعض الزيوت تختلف عن التانية من ناحية مدة الخدمة..

بس لو بنغير الزيوت المعدنية على 5000... والزيوت التخليقية المعتادة على 10000... والزيوت التخليقية الحقيقية على 20000.. مفيش أي مشكلة أو خوف على الموتور من ناحية بوظان الزيت.



عموما.. أنا بالنسبالي أهم حاجة إن الزيت يكون مطابق للمواصفات.. والباقي راحة نفسية.


...