محتاج عربيه فى حدود 50000 الى 55000 الف ؟؟؟

**a.hamdy** · 15-06-2015 07:44 PM

السلام عليكم

محتاج عربيه تكون فى حدود 50000 الى 55000

المهم يكون قطع الغيار مش غاليه اوى تكون فى المتوسط ومتوفره

نفس الكلام للصيانه

انا كان عجبنى الميجان 2007 شكلها عجبنى والعربيه من جوه شكلها حلوه

لكن فى ناس خوفونى منها قالولى هتتعب مع العربيه بسبب ان قطع الغيار غاليه ومش متوفره بسهوله وكمان الصيانه

وانا دورت على النت لقيت ان المبلغ اللى معايا
ممكن يجيلى :-

افيو
اوكتفيا
نيو اكسنت 2006
ماتركس 2004

ملحوظه : انا اول مره هشترى عربيه واسوق عموما

الفيرنا / النوبيرا / لانوس = العربيات دى مستبعده جداا معايا

اتمنى انكم تساعدونى

**mif** · 15-06-2015 07:53 PM

اكسنت

**a.hamdy** · 15-06-2015 07:55 PM

ياريت لو حضرتك تقولى طيب سبب اختيارك

**mif** · 15-06-2015 08:17 PM

افيو سيئة جدا و استهلاكها كبير و سواقتها رخمة (على كلام اللى جربوها )
اوكتافيا مستعملة و انت اول مرة تركب يبقى بلاش .(و المبلغ اللى انت حاطه ما يجبش حالة كويسة )
اكسنت حتكون اعتمادية و سهلة الصيانة و اقتصادية الى حد ما و لازم تكون حالتها كويسة
ممكن تفكر فى اكسنت 2005-2006 الشكل القديم علشان تلاقي حالة نضيفة و توفر باقى الفلوس

ماتريكس حلوة بس قطع غيارها اعلى من الاكسنت و مااتريكس تتجاب موديل 2007 فيما فوق افضل بكتير

**ENG.MaRk** · 15-06-2015 08:22 PM

نيو أكسنت طبعاً

**a.hamdy** · 15-06-2015 08:37 PM

شكرا للردود

يعنى حضراتكم شايفين الافضل فى الماركات دى

النيو اكسنت وانا ممكن ازود المبلغ اكتر يبقى 60000
لو هى فعلا عربيه تستاهل

ومعلش سؤال اخير لو هنضيف كمان ماركه النيسان الصنى

يبقى كده النيو اكسنت افضل ولا النيسان الصنى وموديل سنه كام يناسب سعر

**mif** · 15-06-2015 09:49 PM

المشاركة الأصلية كتبت بواسطة a.hamdy

شكرا للردود

يعنى حضراتكم شايفين الافضل فى الماركات دى

النيو اكسنت وانا ممكن ازود المبلغ اكتر يبقى 60000
لو هى فعلا عربيه تستاهل

ومعلش سؤال اخير لو هنضيف كمان ماركه النيسان الصنى

يبقى كده النيو اكسنت افضل ولا النيسان الصنى وموديل سنه كام يناسب سعر

بص يا سيدي

النيو اكسنت حتبقى اعلى من كدا شوية كمان توصل ل 70 و كله حسب الحالة
https://egypt.dubizzle.com/ar/cars/s...B3%D9%86%D8%AA
النيسان صني كويسة جدا لحد موديل 2004 ال 1300 cc
و بعد كدا ال 1600 cc حوت بنزين
صعب تلاقي نيسان حالة نضيفة و النيسان حتبقى صيانتها اغلى من الاكسنت بكتير غير ان قطع الغيار مش في انتشار الاكسنت فحتبقى تحت رحمة التاجر
الحالة كويسة مفيش حد بيفرت فيها و لو بيبيع بيبالغ فى السعر

طالما حتطلع لل 60 ممكن تشوف تويوتا كورولا 1300(الملكة مش العيون ) موديل اواخر التسعينات عربية اعتمادية جدا شرط الحالة بردوا و حتبقى قطع غيارها الاصلي اعلى من الاكسنت بس عمر اطول بكتيير

زى دي كدا ... اعلان من النت ... طبعا السعر فيه كلام
https://egypt.dubizzle.com/ar/cars/t...RydWUmcGFnZT0x

الاكسنت ناعمة و مريحة جدا للاستخدام داخل المدينة ..... الكورولا ممتازة فى السفر و انشف شوية من الاكسنت

**ENG.MaRk** · 15-06-2015 10:03 PM

مادام ممكن توصل ل 60 يبقي نيو أكسنت 2006 أو صني 2007 أو أوبترا 2006 و أنا شايفها أفضل اختيار :)

**rawdat** · 08-08-2015 02:05 PM

السلام عليكم, لدينا سياره رينو سيمبول مانوال موديل 2010 سعة 1400cc ماشيه 39 ألف كيلو فقط استخدام 3 سنين فقط تقريبا لظروف السفر ... السياره بحاله ممتازه فبريكه دواخل و خوارج بحاجه فقط لتلميع خارجي و الفرش جلد و الكاوتش كله جديد تم شراؤه من أقل من شهر... نرغب بالبيع لشراء سياره عائليه أكبر و أوسع .. من يرغب بمعاينة السياره يمكنه التواصل مع زوجي من خلال موبايل رقم 01114841199

**mhopa2440** · 12-08-2015 01:15 PM

لصاحب الموضوع لو حضرتك هتدفع 60 الف

نصيحه بجد اشتري موديل حديث اوبترا او اكسنت اللي تقدر عليه

من وجه نظري الشخصية(الكورولا التسعينات دي ولا حاجة ومفيش اي ميزة للسعر المبالغ فيه دا على ايه مش عارف والله حتها ف مقارنة من كل النواحي مش هتلاقي ميزة تدفع فيها المبلغ دا) زيها زي الكريستاله بردوا اسعار مبالغ فيها بصورة كبيرة جدا جدا