عربيه في حدود 55000

**hopeless20** · 18-04-2013 09:07 AM

المبلغ المتاح /معايا لحد 55000

نوع العربية / يفضل حاجه فوق 2004 وعدد كيلومترات قليله (كنت بفكر في الأسترا خصوصا ان سعرها قليل بس ده مخوفني شويه ... ومكنتش عاوز اجيب لانوس او فيرنا لان كده مش هفرق كتير بس لو ده الموجود مضطر )

خبرتك فى السواقة وسكك الصيانة / معايا أكسنت 99 1300 مانيوال وببيعها دلوقتي .. خبرتي في الصيانه شبه معدومه .. الحمد لله الاكسنت كنت بغير زيت وبنزين وفلاتر وتيل وخلاص علي كده .

شكل العربية / سيدان

الموديل / فوق ال 2004

إستخدام السيارة فى الاغلب / داخل المدينة و خارج المدينة فى سفريات

انتقالاتك بالعربية / فى الاغلب لوحدك

الكماليات المرجوة /المهم التكييف والباور

إستهلاك البنزين / يفضل قليل

قطع الغيار / فى المعقول

اماكن الصيانة / يفضل توكيل و ممكن ميكانيكية

التفرغ لأعمال الصيانة / ماعندكش وقت خالص

الاستمرار بالعربية لفترة / هاتستمر بيها فترة طويلة

سعر إعادة البيع / مش عايز تخسر كتير

اهم حاجات بتدور فيها على العربية /
قله اعطال ... بنزين قليل ,,, قطع غيار متوفره وسعرها معقول ولو غاليه بس معمره يكون افضل .. انا اخري 120 فموضوع الثبات علي السرعات العاليه مش فارق

ملاحظات اخرى /
لقيت علي كونتاكت كار كذا واحد بيبيع استرا وسعرها بيبدأ من 42000 لحد 50000 وكيلوهات قليله
بس كذا واحد بينصحوني بلاش عشان مشكله في الموتور بتاعها
كتير بيقولولي علي نيو أكسنت أو النوبيرا مع اني مبحبش شكل النوبيرا خالص
بيقولوا أبعد عن القيرنا (بكره شكلها فعلا بس منتشره جدا وبتفكرني بالاكسنت اللي معايا من حيث قطع الغيار والصيانه المتوفره ورخيصه)

مستني رأي الناس في الموضوع

**ahmed.zahra** · 27-04-2013 04:33 PM

مع احترامي لعدم حبك للنوبيرا لكنها الإفضل بجدارة في هذه الفئة السعرية

**mhopa2440** · 28-04-2013 12:56 AM

كل المميزات اللي تحلم بيها ف عربية ف السعر دا عربية من اثنين

اما النوبيرا كل حاجة عدا معدل استهلاك البنزين عالي شوية بالمقارن بعربيات نفس السعر ومتسمعش كلام الناس الجاهلة اللي بتقول ان عفشتها وحشه او الاوتو بتاعها سئ العفشة اخرها جلد مقصات جي ام اصلي وانسها والله العظيم مغيرم من اكتر من سنة وكل مشي ف طرق زي الزفت والفتيس الاوتو حافظ على الزيت بتاعه وخصوصا جوان الكارتيره اوعي يرشح زيت وتسيبه لو جبت مانيوال يبقى خلاص

والعربية الثانية الكيا شوما - حاجة كدا تحفة ف كل شئ مفيش فيها ولا عيب كان عيبها الاول قطع الغيار وسعر اعادة البيع وسرعة البيع بس دلوقتي كل قطع غيارها موجودة ونفس سعر النوبيرا وسعد اعادة البيع ممتاز وسرعة البيع كويسة جدا

وانا معاك الفيرنا واللانوس عربيات سئية كفاية انك تركب عربية بخمسين الف جنية وتقفل الزجاج وتفتح بكر ومنافيله (مع احترامي لملاك اللانوس والفيرنا) والأوبل مش اقدر افيدك فيها مكنش عندي قبل كدا اسئل واحد معاه اوبل يفيدك اكتر منني

**aw2100** · 28-04-2013 01:09 AM

خليك فى الأوروبى ممكن تشترى اوكتافيا او bmw او مرسيدس عربيات متينة وقوية وثبات على الأرض وافضل من الكورى ومبروك مقدما!!

**mhopa2440** · 30-04-2013 02:12 AM

الماتريكس عربية فوق الممتازة من حيث الموتور والعفشة ومعدل استهلاك البنزين وعربية واسعة ف الصالون وقطع غيار سعرها عادي جدا وصيانتها قليلة زي اي عربية ف فئتها

بس الاختلاف انها مش عائلية لان مفيش شنطة خالص يعني لو مسافر مع اسرتك مصيف مش هتلاقي مكان يكفي الشنط ودا عيب شخصي وليس عيب ف العربية

ارشح ليك الاوبترا مع الماتريكس بس كدا كدا خليك ف الاوتو افضل بكتير من المانيوال وانسى النوبيرا طالما وصلت فوق 60 الف

فكر الاوبترا معاك بردوا

وبالتوفيق ان شاء الله