شكراً لنقل التجربة :)
رقم العضوية : 1960
تاريخ التسجيل : 29Aug2007
المشاركات : 269
النوع : ذكر
الاقامة : 6 October
السيارة: Logan - AT - High Line
السيارة[2]: Sunny EX 2010 - Aut
دراجة بخارية: no
الحالة :
السلام عليكم يا شباب ..
انا حجزت عشان اروح اعمل صيانه ال 1000 لعربيه لوجان اتوماتيك وكان ميعادي الساعه 12 ونص امبارح ... المهم روحت و انا مبسوط واخت معايا ولادي على اساس انها صيانة الالف كل اللي هتاخده بكتير ساعه ونص مثلا لاننا كنا خارجين بعدها ... المهم وصلت هناك 12 و ربع و كنت قدام مكتب الاستقبال ... وسجلت اني وصلت ومن بعدها ابتديت سوء المعامله اللي بصراحه مش لاقي وصف ليه
اولا : قاعدت لغاية الساعه واحده و ربع لحد ما المهندس جالي (45 دقيقه) ، وده بعد الزن عليهم و وبعد ما اديتهم كلمتين ، لان البهوات مش مخلين في مهندسين كفايه مع وجود الضغط ... ملوحظه برده عشان حق ربنا المهندس كان استقباله و كلامه كويس و هو المهندس كريم
ثانيا : بعد ما عمل تقرير الاستلام ، بقوله في ملاحظات عندي ، فبيقولي لا حضرتك مبلغتش عليها في الحجز ... انت كده جاي تعمل صيانه و بس الملاحظات لازم تتقال عشان بتأثر في الوقت وممكن تبييت العربيه ، طبعا مسكتش و قولتله ان ما فيش توكيل بيعمل كده و انا اتعاملت قبل كده مع نيسان وغيره ومحدش بيقول الكلام ده ، المهم انه قالي انا هعديها لحضرتك مجامله عشان دي اول مره ... مع العلم انها كانت الملاحظات العاديه اللي كل الناس اتكلمت عليها في المنتدي ( رعشه مع لف الدريكسيون وتأخير في السرعات الاولي في الفتيس)
ثالثا : العربيه تم استلامها من الفني وفوجئت انها اتركنت بره لمده 30 دقيقه كمان ... روحت داخل الورشه من على الباب لقيت الراجل اللي بيوزع الشغل فقالي هات ايصال الاستلام فلما بص فيه قالي انت هتستلم الساعه 4 راجع المهندس اللي استلم منك هو كاتبلك كده .. وعربيتك واخده دور عشان الزحمه ...وده كان باسلوب صوت اللي هو "متوجعش دماغنا بقى "
رابعا : العربيه طلعت فعلا من الورشه الساعه 4 وخمسه ، وقاعدت بلا مبالغه نص ساعه كمان لحد ما الفاتوره طلعتلي عشان اترحم من زن ولادي اللي كانوا جابوا اخر من القاعده و المطوحه ومدفعتهاش الا بالخناق برده مع المحاسب عشان راكن كذا عميل حواليه
من حيث الجانب الفني فبصراحه انا حسيت ان العربيه فرقت شويه بعد الصيانه ، بس دي صيانه الالف ويعتبر معملوش حجات فيها كتير عشان نقيممهم ، ده غير انها كانت فيها زيت و خرابيش مطرح الرفع في الاكصدام
*** مشكلتي معاهم في المعامله و التاخير المبالغ ، وعدم وجود اي خدمه مشروبات زي اي توكيل تاني ( وده طبعا عشان هما مأجرين لكوستا جوه ) ... و المحسوبيه في العربيات اللي مكنتش حاجزه و دخلت في الوسط و خلصت قبلنا ، ده غير ان صيانه الالف غاليه 550 شامله الضريبه عن المراكز التانيه بكتير ( السبع بي 120 جنيه غير الزيت ، ومراكز تانيه مبتخدش غير 50 جنيه )
وخرجت من هناك على اخري بدل ما اكون مرتاح و مبسوط اني شاري عربيه جديده ....و الطريف ان بنتي بتقولي يلا عشان نخرج بقى .. قولتلها ما انتم خرجتم و جيتوا معايا .. قالتي دي مكنتش خروجه دي كانت "مرمطه "
متاسف على الاطاله وياريت حد يرشحلي مركز خدمه تاني
----- إلا رسول الله -----
قالولي بتحب مصر أخدني صمت طويل
وجت في بالي ابتسامة وانتهت بعويل
رقم العضوية : 157318
تاريخ التسجيل : 13Mar2014
المشاركات : 2,257
النوع : ذكر
الاقامة : Stuttgart-Hamburg
السيارة: E63 AMG / Audi R8 / Audi A6
السيارة[2]: peugeot 508 2015 Highline
دراجة بخارية: Honda NC700X
الحالة :
شكراً لنقل التجربة :)
رقم العضوية : 162357
تاريخ التسجيل : 07Jul2014
المشاركات : 124
النوع : ذكر
الاقامة : القاهرة
السيارة: لا يوجد
السيارة[2]: لوجان
الحالة :
هذا هو العادى فى التوكيل يستغرق الامر من ثلاث الى اربع ساعات يجب ان تتعود على ذلك .
رقم العضوية : 1960
تاريخ التسجيل : 29Aug2007
المشاركات : 269
النوع : ذكر
الاقامة : 6 October
السيارة: Logan - AT - High Line
السيارة[2]: Sunny EX 2010 - Aut
دراجة بخارية: no
الحالة :
رقم العضوية : 103297
تاريخ التسجيل : 12Jun2011
المشاركات : 4,030
النوع : ذكر
الاقامة : Alexandria
السيارة: 2008 suzuki alto
السيارة[2]: fiat 128
الحالة :
يا أخي كأنك بتتكلم على مودرن موتورز بالضبط ..اللي هو فرع القباري في إسكندرية ..رحت غيرت طقم بوجيهات ..طقم بوجيهات ..عادي يعني ..وتلات بوجيهات كمان مش أربعه ..لإن العربية تلاتة سلندر ..العربية أخدت ست ساعات ..رحت ركبت ثرموستات كوع ..ثرموستات كوع ..حاجه كده الميكانيكي بيركبها بصباع إيده الصغير ويكون ماسك في إيده التانيه كوباية شاي مثلا أو سيجارة ..العربية قعدت خمس ساعات وكسر ..وبرضه عندهم جنب كده مأجرينه لواحد ..مفيهوش غير شاي ونسكافيه وكام باكوا بسكوت ..يعني لو حبيت تشتري منه باكو بسكوت بعد الساعة 1 الظهر مثلا ..مش هتلاقي عنده ..تقريبا هو بيجيب خمس ست بواكي يبيعهم كده وخلاص ..هي الأسعار بصراحه في مودرن معقوله ..إنما موضوع الوقت ده والجلاخه في المعامله عادي عندهم
--------
m_m_sh_a سابقا
رقم العضوية : 162357
تاريخ التسجيل : 07Jul2014
المشاركات : 124
النوع : ذكر
الاقامة : القاهرة
السيارة: لا يوجد
السيارة[2]: لوجان
الحالة :
يا افندم اعتقد ان ذلك سوء تنظيم توجهت مرة الى توكيل القطامية لاجراء الصيانة المعتادة للوجان وكانت الساعة حوالى العاشرة او بعدها بقليل وكان معى بنفس الوقت سيارة لوجان اخرى تقودها سيدة وكالعادة سلمت السيارة للمختص وتركها بالشارع امام التوكيل لحين ادخالها الورشة وكانت السيارة ا لاخرى تقف بجانب سيارتى وفضلت واقف الى ان تم ادخال سيارتى الورشة وكانت السيارة الثانية مازالت واقفة بعد ان تركتها صاحبتها ودخلت الاسترحة وحوالى الساعة الواحدة خرجت للتمشية فوجدت السيارة الثانية مازالت واقفة بمكانها فا ستنتجت انهم نسيوا يدخلوها وعند دخولى الاستراحة لمحت صاحبة السيارة فأخبرتها بما شاهدته فقامت بالشكوى للمختصين وادخلوا سيارتها على الفور ووعدوها خيرا والمفاجأة الكبرى عند خروج سيارتى وقيامهم بغسلها كانت السيارة اللى واقفة وراها هى السيارة الثانية بعنى ان الصيانة استغرقت لها ساعة واحدة فقط و انا حوالى اربع ساعات على راى المثل ادينى عقلك.
رقم العضوية : 16627
تاريخ التسجيل : 18Aug2008
المشاركات : 220
النوع : ذكر
الاقامة : New Cairo
السيارة: Seat Toledo Reference Plus 2015
السيارة[2]: Speranza A516/Sunny N17 Super Saloon
دراجة بخارية: no
الحالة :
للاسف الوقت ملوش ثمن في مصر
رقم العضوية : 105269
تاريخ التسجيل : 25Jun2011
المشاركات : 949
النوع : ذكر
الاقامة : New Cairo
السيارة: Renault Fluence 2014
السيارة[2]: Daewoo Espero - Sunny 2009 EX
الحالة :
مركز فرينش موتورز الرحاب - العبور - جسر السويس مركز معتمد و بصراحة بينجز لو معندكش شكاوى تاخد وقت بتلاقى العربية جاهزة فى ظرف ساعة خصوصا لو رحت بدرى
انا بودى العربية هناك اروح البيت افطر الاقيهم بيكلمونى ارجع اخدها .. وهو معتمد و بيختم لك الضمان بس احتفظ بالفاتورة لانها مش بتتسجل عالسيستم بتاع التوكيل عشان لو حبيت ترجع للتوكيل فى اى حاجة من امور الضمان
المفضلات