الاخوه الافاضل زي ما معظمكم عارف انا كان معايا 516
وبعتها واشتريت تيجو 2013 عامله 2000 كيلو
المهم
انا لست من هواه الذهاب للتوكيل
وقتي لا يسمح
عارف ان لو في عيب في العربيه وهي في الضمان مش ها ييصلحوه
وها يخلوا صاحب العربيه يلف حوالين نفسه علي ما يوصل معاهم لحق
علشان كده
اخدتها من قاصرها وخرجت من الضمان بدري بدري
نيجي للتيجو
صاحب العربيه ما كانش عامل صيانه ال 1000 والضمان كان مش مختوم
المهم قولت اروح التوكيل اعمل صيانه ال 1000 واختم الضمان
ربنا يسترها العربيه يكون فيها حاجه الحقها بدري بدري
طلعت علي فرع العباسيه الساعه 7 صباح ا يوم السبت الماضي
اخدت رقم 15
طبعا اكتشفت ان يوم السبت هو اليوم الرهيب في الشغل
واللي عايز يعمل حاجه في التوكيل ما يروحش يوم السبت
طلباتي
صيانه ال 1000
تغيير زيت
تربيط عفشه
عندي عضه في الغيارات والعربيه بارد
هنا الكارثه
خرجت العربيه واستلمتها
لقيت الدبرياج عالي جدا
لمبه الاعطال epc ا لمفترض انها تطفي مع الانوار التحذيريه الصفراء قبل دوران العربيه
لقيتها مش بتطفي غير مع الدوران
عل طول العربيه يبقي مسجله عطل
يا ولاد ال--------
يعني ادخل بالعربيه سليمه اخرج بيها دبرياجاها عالي
ومسجله عطل
طلعت عليهم تاني يوم الا ثنين
يا باشمهندس العربييه فيها كذا كذا
يرد عليا يقولي لا اللمبه طالما مش بتنور اثناء المشي يبقي طبيعي
قولت بقولك ايه
انا راكب اسبرانزا من 2008 وحافظ العربيه
واتهريت لف علي الميكانيكه والورش
ماتحاولش تقنعني ان اللمبه كده طبيعي
الراجل اتصدم من ردي
قالي حاضر حاضر
دخلت العربيه
وبعد ربع ساعه خرجت
ظبطنا الامور وكله تمام
ماشي ياعم
طلعت بالعربيه لقيت نفس المشكله
العربيه سجلت خطاء بعد ما مشيت بشويه والدبرياج عالي
كنت وصلت التجمع
طلعت علي رشاد الي كان شغال في المتحده
حكيت له الحكايه كلها
حط العربيه علي الجهاز
لقاها مسجله حساس دبرياج
قالي الدبرياج علي جدا
نزل تحت الدواسات لقي الفيشه بتاعت حساس الدبرياج واقعه ومش متركبه
وريح الدبرياج وبقي يفصل في الربع الاول
تخيلو قمه الاهمال عند التوكيل وصنايعيته
الحساس سليم ومافيهوش مشكله
البشوات الفيشه وقعت منهم وهما بيعلوا دواسه الدبرياج
واتضح ان لما رحت لهم في المره التانيه كل اللي عملوه انهم مسحو الخطاء بالجهاز
بدون مايشوفوا سبب العطل ايه
ولو كان حد فيهم كلف نفسه ويشوف الفيشه بتاعت الدبرياج ويركبها
يعني حاجه بسيطه جدا
قمه الاهمال
حاجه تانيه
رشاد اكتشف ان سبب العضه ان الفتيس ناقص كيلو زيت
حتي في اول صيانه مفيش حد اهتم انه يكشف علي الفتيس ويشوف الزيت اخباره ايه
لكن ان شاء الله اخر مره اروح فيها التوكيل اللعين
المفضلات