نصيحة بخصوص اختيار زيت مناسب

**كابتن أهلاوى** · 18-06-2015 07:31 PM

السلام عليكم ورحمة الله
حاليا عربيتى اوبترا ( لاسيتى كورى ) 2006 وارد كوريا عاملة 95 الف كيلو مظبوط ....... عاوز اغير زيت لزوجة 5-40 للمحرك لأن الزيت اللى فيها تخليقى بالكامل وكنت عاوز متردد مابين وولفر 5-40 وكمان فالفولين 5-40 وكمان كاسترول 5-40 من حيث الاداء واستهلاك البنزين والصوت علما انى مش هزود عمر الزيت عن 10 الاف ايا كان النوع
تنصحونى بأى نوع من التلاتة ؟؟؟؟

**Adnfalcon** · 18-06-2015 10:00 PM

كاسترول ايدج من محطات طاقه

**hugan** · 18-06-2015 10:43 PM

توتال الجديد حاليا بديل شل
فرنسي معباء في مصر
ممتاز بغيره علي 15 الف

**borio1704** · 19-06-2015 05:09 AM

هو كتالوج العربية طالب زيت مواصفاته إيه؟؟

خلي بالك إن الزيت مش لزوجة وبس.. فيه حاجات تانية مطلوبة لازم تعرفها علشان اختيارك يكون صح.

يا ريت تقرا الموضوع ده علشان تتعرف على الطريقة الصح لاختيار زيت العربية

http://www.nilemotors.net/Nile/341680-a.html

...

**borio1704** · 20-06-2015 05:25 PM

المشاركة الأصلية كتبت بواسطة كابتن أهلاوى

الكتالوج طال 5w-30 ...لكن انا خايف منه بسبب الحر اللى احنا فيه ...فايه رأى حضرتك

اامواصفات كده ناقصة...

المواصفات مش لزوجة وبس.. ويا ريت تراجع ردي السابق.

عموما... لو اخترت زي ما الكتالوج كاتب.. معندكش أي مشكلة نهائي

على فكرة.. أنا عايش في جدة في السعودية.. ودرجة الحرارة دلوقتي ما بتقلش عن 35-40 ... وانا حاطط لزوجة 5w-30 زي مواصفات الكتالوج. .. ومفيش أي مشاكل عندي نهائي..

يا ريت ننسى أفكار زمان بتاعت الصيف والشتا دي... الحكاية دي كان ليها ظروفها اللي ما بقتش موجودة نهائي حاليا....

الدنيا بتطور.

...

**كابتن أهلاوى** · 21-06-2015 02:43 PM

http://postimg.org/image/oy85evvwh/
دى صورة مواصفات الكتالوج المطلوبة ............ حاليا انا محتار مابين وولفر وفالفولين 5-30 الاتنين ....... ايهما مناسب اكثر معايا وايهما افضل لو الاتنين مناسبين ؟؟

**borio1704** · 25-06-2015 03:39 AM

المشاركة الأصلية كتبت بواسطة كابتن أهلاوى

View image: Unيلtitled
دى صورة مواصفات الكتالوج المطلوبة ............ حاليا انا محتار مابين وولفر وفالفولين 5-30 الاتنين ....... ايهما مناسب اكثر معايا وايهما افضل لو الاتنين مناسبين ؟؟

حسب ما أنا فهمت من الصورة اللي حضرتك حطيت اللينك بتاعها.. فالزيت المطلوب مواصفاته كالتالي:

اللزوجة : 5w-30 .... أو 10w-30 للمناطق الحارة بتاعتنا.
مستوى الخدمة: Api sl على الأقل.

الزيتين اللي حضرتك بتتكلم عليهم لزوجتهم واحدة... ماشي... بس يفضل تروح للزوجة 10w-30

وعلشان أقوللك مين فيهم أحسن.. لازم أعرف مستوى الخدمة بتاعهم إيه... من غير الكلام ده مش هقدر أديلك نصيحة في حاجة معرفش عنها معلومات كافية.

على فكرة... فالفولين عندها زيوت كتير بلزوجة 5w-30 .. بس بمستويات خدمة مختلفة.. ونفس الكلام يتقال على وولفر.. فحضرتك قصدك على أنهي واحد فيهم؟؟؟

لو تقدر تمسك علبة الزيت وتبص عليها كويس (من ورا بالذات) وحاول تشوف كود الـapi بتاعها إيه.

معلش.. أنا مش بصعب الأمور عليك... بس اللي أنا بسأل عليه ده هو الحاجة اللي بتفرق فعلا بين الزيوت.

فحاول تتعب معايا شوية علشان تجيب أحسن حاجة لعربيتك.

...