الموضوع: تغير مقاس الكاوتش

المشاركة الأصلية كتبت بواسطة احمد التربانى

مشكور على المشاركة ، والإهتمام بالرد
سمعت ان تعريض الجنوط له حدود معينة، وأن التعريض نفسه قد يؤثر على العفشة وليس الوزن فقط
فما رأيك الفنى ، ولك شكرى واحترامى.

حدود تعريض الجنط هي حاجتين..

1- إنه ما يبقاش فيه احتكاك مع الرفرف..
2- إنه ما يبقاش فيه احتكاك مع العفشة الداخلية.. زي المساعدين والمقصات في بعض الأحيان.

أحيانا ممكن الجنط يكون أعرض بس تلاقيه داخل لجوه في اتجاه العفشة... وممكن أحيانا كمان تلاقي العكس.. إنه رامي بره العربية وسايب مسافة كبيرة بينه وبين العفشة..

الحالة الأولى سيئة جدا.. بتقلل من ثبات العربية وشكل العربية بيطلع وحش.

الحالة التانية أحسن بكتير... بس ليها حدود زي ما قلنا .. إن الجنط ما يحكش في الرفرف... وأحينان الناس بتعدل على العربية وتوسع الرفارف علشان تستوعب الجنط.

بس ما أعتقدش دي الحالة اللي حضرتك عايزها.

عموما.. الجنط فيه حاجة إسمها الأوفست (Offset).. ودي قيمة بتبقى مكتوبة على الجنط من جوه ... وبتحدد هوه رامي لبره ولا لجوه.

زي كده






بالنسبة للتأثير على العفشة.. فالوزن هو المؤثر الأكبر بنسبة 90%

المشكلة إن معظم الجنوط الموجودة في السوق هتبقى أتقل من الجنط الحديد بالذات لو كانت مليانة معدن...



ولو كان تصميمها خفيف فغالبا مش هتكون قوية بما يكفي... والجنوط القوية والخفيفة في نفس الوقت بتبقى غالية.




تعريض الجنط ممكن يأثر بنسبة بسيطة جدا لإنه بقى معرض لمساحة أكبر في الشارع.. وبالتالي فعدد المطبات "العالية" اللي هيحس بيها هيكون أكبر..

بس في المقابل.. عدد المطبات "المنخفضة" والحفر اللي هيحس بيها هيكون أقل.. بالذات لو كان جزء من العجلة برة المطب.


...