السلام عليكم ورحمة الله وبركاته

كل سنة وحضراتكم بخير , انا لي فترة طويلة منقطع عن المنتدى ومش عارف في حد لسه من الناس القديمة ولا لسه , عموما كنت عايز اخد رأيكم في مشكلة مش لاقي ليها حل في ميجان 2006

العربية بتدور على طول وهي باردة , بس لما بتكون سخنة مش بتدور على طول لازم على الاقل مرتين
انا كنت مغير طرمبة البنزين بواحدة استعمال بس بتاعة فلونس والراجل قالي انها احسن في السحب من الميجان والحقيقة حسيت تغير بسيط بس مش بالدرجة الملحوظة , المهم اني شكيت فيها وغيرت موتور الطرمبة بس المشكلة لم تحل

مؤخرا ظهر مشكلة جديدة وهي ان العربية بتبطل لما اهدي بيها على مطب مثلا بس لما ادورها بعدها بتدور على طول مش بتتأخر , الميكانيكي قال حساس كرنك وغيرته وفعلا المشكلة بتاعة التبطيل الحمد لله اتحلت

بس لسه مشكلة الدوارة مش لاقيلها حل
يا ريت لو حد يعرف حل يفيدني مع خالص الشكر الجزيل ..