ههههههههههههههههههههههههه هه
فكرتنى باول مره اشتري عربيه اوتوماتيك بعد سواقه 10 سنين على عربيات مانيوال
لما اشتريت العربيه كنت خايف و مبلول على الاخر و صاحب العربيه قالى حتروح البيت ازاى كده و انتا جديد فى السواقه و لا ايه
بص ياسيدي
علشان تسوق عربيه اوتوماتيك يبقى تنسى رجلك الشمال دى تماما - علشان ماتغلطشى الغلطه المشهوره و تضرب فرامل كأنها دبرياج و ساعتها حتبقى كارثه لو كان فيه عربيه وراك - و يفضل لو تتنى رجلك الشمال و تقعد عليها (بجد)
علشان العربيه تتحرك حتجيب الفتيس على D (drive) - علشان ترجع لورا حتجيبها على R (reverse)- علشان تمور حتجيبها على N (normal)
ده اللى محتاجه فى الاول علشان تحرك العربيه
انتا لما تكون على ال D العربيه حتنقل الغيارات لوحدها (هى 6 غيارات على ما اعتقد ) - لو ماكنشى عاجبك الغيار اللى انتا فيه و عاوز تجيب الغيار الاقل مثلا يبقى حتجيب الفتيس سنه شمال و تنزله لتحت - او فيه زرار عليه علامه ناقص مش فاكر بالظبط شكل فتيس العربيه دى
بس بشكل عام انتا فى الاول سوقها على انها اوتوماتيك عادى و مش حتحتاج اصلا موضوع الاستيب ترونيك ده علشان مش حتحتاج تغير الغيار الحالى غير لو عاوز تشد مع حد و كده
بالنسبه للكيك داون ده بيجي لما تدوس دواسه البنزين مره واحده للاخر - حتلاقى العربيه نزلت غيار و ال rpm وصل ل 6000 و العربيه طلعت مره واحده
بس الحركه دى ماتعملهاش غير للضروره مش كل شويه لانك كده بتجهد الموتور
المفضلات