هو الكتالوج طالب إيه؟؟؟
دايما حط الزيت اللي مواصفاته تمشي مع الكتالوج... وما تسمعش لأي حد - مهما كان - جرب زيت خصوصا لو في عربية غير ماركة وموديل عربيتك..
المفاضلة دايما بين الزيوت بتبقى بالمواصفات أولا... وبعدين تشوف الماركة المضمونة (أو اللي تستريحلها).. ولو تساوت الزيوت من ناحية المواصفات والماركات المضمونة تبقى تدور على بلد المنشأ.
وفعليا.. لو جبت زيتين زي بعض بالظبط في المواصفات.. مش هتلاقي فرق بينهم في الأداء.
خد بالك... مواصفات الزيوت مش لزوجة وبس... فيه أكواد تانية مطلوبة اسمها "مستوى الخدمة" أو "مستوى الجودة" .. ولازم تاخد الحاجات دي في الاعتبار وانت بتشتري.
لو عايز تفهم ازاي تفرق بين الزيوت وتختار صح.. انصحك تدخل على الموضوع ده:
http://www.nilemotors.net/Nile/341680-a.html
ولو لسه الموضوع صعب عليك.. صور لنا صفحة مواضفات الزيت من الكتالوج وإن شاء الله نساعدك.
...
المفضلات