عايز اجيب عربيه و محتار جدا و دي اول عربيه

**muhamed89** · 10-12-2015 12:02 AM

سلام عليكم
عايز اجيب عربيه و محتار جداااا
انا الميزانيه 60000
بس محتار ما بين البولو و البونتو و البوينتر و في كمان الكولت
العربيات دي معظمها متشابه في المميزات
ده غير طبعا العربيات الصيني اسبيرانزا و بيرالينس
يا ريت بجد حد يساعدني ولو حد يعرف ميكانيكي أمين يبص معايا ساعه الشراء اكون شاكر له
انا بدور علي
ثبات - توفير بنزين - كماليات - صالون مش ضيق - و طبعا متبهدلش عند ميكانيكيه
,
يا ريت بجد اللي عنده نصيحه ميبخلش بيها لأني تايه بجد
شكراااا

**muhamed89** · 10-12-2015 09:21 AM

Up .. ..

**pepo2011** · 10-12-2015 09:47 AM

اعتقد لانسير كريستالة هاتكون افضل
او تفكر في اللانوس والفيرنا بغض النظر عن الثبات

**Mohamed Desoky** · 10-12-2015 04:35 PM

السلام عليكم ورحمة الله وبركاته ممكن اقولك راى بسيط انتى معاك مبلغ كويس بس حرام تركب عربية مستعملة فى مصر لان كلة خلصان انا بديلك خبرة 16 عربية مستعملة شوفت فيهم عزاب اشكال والوان 1مفيش عربيه مستعملة سليمة تهائى اللى لوكسر زيرو والتجار مش هيسبوها 2 ميكانيكى كويس ده شىء نادر جدا جدا 3 هتدفع سمسرة كام 4 نقل الملكية فى الشهر العقارى بكام 5 العربية المستعملة صيانة زيت وفلاتر كاملة وسيور كاملة وياسلام لو الكاوتش تعبان هتدفع كتير فوق ثمنها زود 5 الف كمان لان مفيش حد بيبيع عربية مريحه اتا زهقتك انا اسف بس دى حقيقة المستعمل فى مصر كلة مشاكل الحل جديد حتى لو قسط تريحك 5 سنين من قرف الميكانيكية وارشحلك لانوس اسبيرانزا انفى بى واى دى الفيرنا بلاش ورقة خفيفة وقطع غيار مش معمرة وربنا يوفقك

**memo_p910** · 10-12-2015 06:01 PM

شوفلك بونتو كلاسيك ايطالي نظيفه بالمبلغ ده هاتلاقي ان شاء الله عربيه ممتازه
وبلاش الصيني مستعمل لانه تعبان
وبلاش البوينتر هاتتعبك قطع غيار

وطبعا البولو حلوه بس تلاقيها