ساعدوني في الاختيار ميجان ولا بورا

**mohamed eladawy** · 22-12-2008 11:25 PM

ياجماعه ارجو المساعدة انا معايا بورا 2001 و بصراحة زي الفل مش مقصرة معايا في حاجة اتعرض عليا رينو ميجان 2 2006
فابريكة بره و جوة
كاملة فاتحت سقف -فرش جلد-زينون
عاملة 26000 كم
السعرجنيه 100000
صيانة كامله في التوكيل ودي عربية صديق ليا انا معاه 24 ساعه و بيعامل العربية معاملة شيكككك جدااا
ارجو معرفة اراكم

**crazylambada** · 22-12-2008 11:28 PM

ياراجل حرام عليك
تسيب عربيتك البورا
انا في رايي لأ طبعا

**أبو كنوز** · 22-12-2008 11:36 PM

البورا طبعا محترمه.بس كمان حضرتك هاتطلع بالميجان ٥ سنين فوق.وكمان عارفها كويس و أكيد مجربها أنا بقول خدها .

**أبو كنوز** · 22-12-2008 11:38 PM

المشاركة الأصلية كتبت بواسطة crazylambada

ياراجل حرام عليك
تسيب عربيتك البورا
انا في رايي لأ طبعا

ما هو هيركب أوروبي بردوه

**crazylambada** · 22-12-2008 11:43 PM

انا قصدي يا كينوزو
انهمعاه عربية محترمة جدا مش عليها اختلاف
و المفروضانها مش تعباه
انا معاك ان الميجان ديه لقطة
بس برضه ديه اسمها بورا
دا انا متحسران العربية ديه مبقاش ينزل منها جديد

**أبو كنوز** · 23-12-2008 02:40 AM

المشاركة الأصلية كتبت بواسطة crazylambada

انا قصدي يا كينوزو
انهمعاه عربية محترمة جدا مش عليها اختلاف
و المفروضانها مش تعباه
انا معاك ان الميجان ديه لقطة
بس برضه ديه اسمها بورا
دا انا متحسران العربية ديه مبقاش ينزل منها جديد

أنا معاك إن البورا محترمه و هي أخت الاكتافيا اللي هي معايا بس أنا بقول إن دي مهما كان قرب يفوت عليها ١٠ سنين و الرينو لسه موديل ٢٠٠٨ و كمان أوروبي يعني مرحش بعيد و كمان عرفها و مجربها علي العموم يا باشا وجهات نظر و ١٠٠٠ شكر لك.

**wildwest100** · 23-12-2008 09:52 AM

البورا بتاعتك دى ماشاء الله زى حتة الدهب النادرة اوعى تفرط فيها

**Ahmed Selim** · 23-12-2008 10:12 AM

أطلع من البورا قريب على قد ما تقدر......مش مشكلة هتجيب الميجان ولا لأ بس المشكلة أن البورا مبقاش ينزل منها بنفس الأسم تانى وبالتالى أسمها و عمرها ممكن يخلوا ناس كتير يبعدوا عنها.

ثبات البورا أحسن شوية من الميجان بس فى المقابل الميجان أنعم وأكتر فى الكماليات......بس عاوزة يتحافظ عليها مش عاوزة بهدلة.....بمعنى أن شوارعنا مبهدلة أصلاً يبقى وأنت ماشى تاخد بالك على قد ما تقدر من المطبات وخلافه.....انا ليا واحد صاحبى أخصائى مطبات.....بيفادى مطب عشان ياخد 2 :)
واحد زى ده الميجان معاه ممكن تتعبه ( وخللى بالك من ممكن دى )

**Ahmad Allawy** · 29-12-2008 08:40 PM

في رأيي..
تركب الميجان و تجربها..
عشان انت عرف عربيتك.. و هتقدر تحكم و تقارن كويس بين العربيتين..
بس في رأيي الشخصي.. ممكن مش ترتاح ف الميجان..
عشان في ناس كتير لو نزلت من الماني.. متعرفش تركب غيره..
و انا حسيت بكده بنفسي.. مع اني مش راكب الماني من كتير يعني.. بقالي سنة..
و مش راكب حاجة عالية كمان.. انا راكب كورسا.ز يعني اصغر عربية اوبل..

في رأيي.. الميجان انعم و تحسها عربية دلع كده.. و البورا هتلاقيها ثبات اعلي. و ممكن تحس الاداء بتاعها بيحسسك بالجري و الاداء الرياضي شوية.... الميجان مش كده زي البورا..

انت و مزاجك بقي.. بس في رأيي البورا اشد وعلي رأي واحد صاحبي معاه جيتا موديل السنة دي..
(لو كانت البورا لسة بتنزل. كنت جيبتها و مجيبتش جيتا) يا باشا دي كفاية انها الماني 100%

الموضوع: ساعدوني في الاختيار ميجان ولا بورا

LinkBack

أدوات الموضوع

عرض

-

-

-

-

-

المواضيع المتشابهه

ساعدوني فى الاختيار محتاررررررررر

ساعدوني فى الاختيار

ساعدوني فى الاختيار

لله يا محسنين ساعدوني في الاختيار

معلش ساعدوني فى الاختيار من فضلكم

الكلمات الدلالية لهذا الموضوع

المفضلات

المفضلات

ضوابط المشاركة