استلمت ال Symbol يا جماعة الخير

**mitch102** · 19-02-2009 10:52 AM

الحمدلله استلمت العربية السيمبول أتوماتيك أول امبارح و رخصتها امبارح .... كل اللي مشيته 60 كم بس لحد دلوقتي و بناء عليه من غير العدل اصدار تقييم نهائي عليها حاليا ... و لكن مبدئيا الحمد لله أنا عجباني جدا و الا ما كنتش اشتريتها من الأول ... و بعد ما فليتها شوية اليومين اللي فاتوا دول ازداد اقتناعي بيها و اطمئناني ليها ... كل الشكر لكل واحد ساعدني في اتخاذ قرار الشراء ... بجد انتم ناس زي الفل و أنا متشرف جدا بمعرفتكم

**momo10000** · 19-02-2009 10:59 AM

الف مبروك يا باشا.... ربنا يباركلك فيها ويكفيك شرها.

كمل الف او الفين ومستنيين تقييم شامل.

**mramzy** · 19-02-2009 11:02 AM

الف مبروك يا باشا.... ربنا يباركلك فيها ويكفيك شرها.

**mitch102** · 19-02-2009 11:12 AM

الله يبارك لكم و يبارك فيكم يا جماعة ... و ألف شكر على امنياتكم الجميلة

**Ahmed Samy** · 19-02-2009 11:12 AM

الف الف مبروك ......
العربية جميلة فعلا

**M.Moustafa** · 19-02-2009 11:20 AM

الف مبروك يا باشا وعايزين تقييم شامل عشان الفايدة تعم ومبروك عليك لقب وحش

**mitch102** · 19-02-2009 11:26 AM

المشاركة الأصلية كتبت بواسطة Mohammed Moustafa

الف مبروك يا باشا وعايزين تقييم شامل عشان الفايدة تعم ومبروك عليك لقب وحش

هاهاههاها الله يبارك فيك يا وحش ... لسه بدر عليا علشان أخد اللقب الجميل ده ... يعني تقدر تقول لسه مشروع وحش صغير

**Ramy_Tantawi** · 19-02-2009 11:28 AM

الف مبرووك استلام العربيه وربنا يبارك لحضرتك فيها ويكفيك شرها ان شاء الله وفي انتظار التقييم الكامل ليها ان شاء الله .

تحياتي اخي الكريم.

19-02-2009 01:14 PM

ربنا إن شاء الله يملاها لك بركة و يبعد عنك شرها آمين يا رب العالمين.
إهتم بالصيانات الدورية في مواعيدها و إتمتع بيها
عندك في الإبراهيمية ميكانيكي حبيب قلبي من أيام الدايو ما كانت معايا و تتبع المصرية العالمية للسيارات (رينو)
لو تحب ممكن أديلك موبايله و تتعرف بيه
هو شاب محترم و أمين جداً جداً و ممكن يوصي بالإهتمام وقت الصيانات في التوكيل بالعامرية هو لسه شغال هناك.