الموضوع: هل ترى أن سعر اللوجان المغربية مشجع للشراء فى الوقت الحالى

على فكرة انا قرات في احد المواقع حد بيتكلم على ان العربيات دي سعرها مبالغ فيه و الراجل بيتكلم على ان سعر العربية دي في المغرب يعادل ما قيمته 25000 جنيه مصري هذا و الله اعلى و اعلم

يمكن يقصدوا المستعمل منها

حاجه فعلا مستفزه الأسعار المعلن عنها دي لعربيه المفروض أن الدوله تنازلت عن حقها في الجمارك عليها عشان يستفيد بيها المستهلك يقوم الوكيل يلهف الفرق ده في جيبه .
أحب أقول أن سعر الشيفروليه أفيو هنا في السعوديه التي أعمل بها حاليا مايعادل 47000 جنيه طبعا بدون جمارك ولا ضرايب يبقى معقول أن سعر اللوجان المغربي يبقى أبتداء من 55900 وهي بدون جمارك (طبعا سرقه علني ولو كنت في مصر دلوقتي كنت شرشحت للوكيل بتاعهم ورحت مسحت بيهم الأرض كمان عشان يعرفوا أن أحنا مش هبل عشان يضحكوا علينا).
وفي النهايه ( خليها تصدي وموديلها يعدي) وأقسم بالله ماهشتري عربيه رينو في حياتي ولا كيا ولو ببلاش.

المشاركة الأصلية كتبت بواسطة eg_falcon

على فكرة انا قرات في احد المواقع حد بيتكلم على ان العربيات دي سعرها مبالغ فيه و الراجل بيتكلم على ان سعر العربية دي في المغرب يعادل ما قيمته 25000 جنيه مصري هذا و الله اعلى و اعلم

دى أسعار السيارة فى المغرب
الفئة الأولى: ما يقابل 47 ألف من غير تكييف ولا باور
الفئة الثانية: ما يقابل 56 ألف من غير تكييف بس فيها باور
الفئة الثالثة: ما يقابل 64 ألف كاملة.

وكمان كلهم 1400 سي سي.

http://www.dacia.ma/showroom/logan/price.html

يا جماعة على فكرة العربيات اللوجان اللى مجودة في مصر حاليا
تصنيع اوروبي و ده اللى مكتوب في الافراج الجمركي بتاعها
و كمان الموتور بتاعها 1600 سي سي
ممكن يكون العربيات المغربي لسه منزلتش

بس يا خوفي انهم هنا ينزلوها بنفس سعر العربيات الاوروبي و يعملوا مفتحين علينا