كل واحد بيجي يشتري عربية جديدة بيكون في لحظة فاقد لسعادة الموقف نظرا لخطورة وابعاد ما بعد اتخاذ القرار مع العلم انه طبيعي وعادي جدا يشتري عربية ويكون سعيد ، حاجة من اتنين :-
1-يكون مبسوط أو ...
2-ان ده اجراء روتيني عادي زي شرا التلاجة مثلا مشوفتش حد اشتري تلاجة وقعد يفكر سنة او انه بعد ما اشتراها فضل فاتح بابها وقاعد جانبها .
بس بالنسبة للعربيات هنا في مصر . ونظرا لان مش كل واحد هيكون عنده همر للنزهة الجبلية او الشواطئ ولا فولفو اسيشن لامان العيلة :roll: ولا بي ام - زد 3 كابروليه للنزهة الشاعرية ولا ميني كوبر عشان الزحمة بالنهار والركن بسهولة وكده :lol: .... ولا بنتلي عشان السهرات والحفلات :shock: ، اوه انا كده مش فمصر خالص ما علينا نرجع للواقع هنا ...
المهم ايه رائيكم وتفتكروا ايه الاسس اللي علي اساسها كل واحد بيشتري عربيته ... اديكم مثال :
واحد يقولك اه الدايو تباع بسهولة لما اجي ابيع .
والتاني مرسيدس دهب بتغلي واستثمار وهي فخامة وقوة ( بس ده للي معه يدوبك وغلبان ميقدرش يجيب كل اللي فوق طبعا عدا التلاجة وهكذا.....
وهكذا ............. بس ايه الصح عموما عشان يكون المبداء صح هقسم الاراء لثلاث انواع :-
1 المنطق
2 العاطفة والاعجاب
3 تجربة الاخرين
قول رائيك وانت حدد هل هو منطقي ولا انجذاب عاطفي ولا علي اساس كلام الناس وتجاربهم ؟؟؟ وقول ايه العربية اللي بتحقق وجهة نظرك وما امكانية قوتك الشرائية لها . وسوف يتم عمل دراسة للاراء وتحديد كل سيارة ومن تناسبة علي اساس منطقي وعاطفي وتبعا لخبرة الناس بها .
ولكم فائق الاحترام