الموضوع: الحقووووووووووووووووووووو وونى

انا اشتريت فيكترا 2002 مانيوال 1600 بسعر 57 ألف جنيه ( عاملة 127 ألف كيلو و حالتها من جوه كويسة و مفيهاش اى خبطة فى الدواخل و من برة دهان المصنع)
و بعد ما مشيت بيها اسبوعين بدأت تظهر مشاكلها اللى خلتنى اكره اليوم اللى اشتريتها فيه ( قدر الله و ما شاء فعل و الحمد لله)
صاحبها قالى انه فاصل التكييف علشان عايز يتشحن و عايزة جوان كارتيرة و بس

المهم
روحت عملت صيانة للموتور و غيرت بوجيهات و فلاتر و جوان كرتيرة و جوان تاكيهات ( كستبانات) و غيرت حساس بتاع الموتور كلفتنى 2000.
المهم لقيت لسة بتجيب زيت قالوا لسه عايزة جوانات تانية و اويل سيل هيكلفوا 500 جنيه
روحت امبارح لديافيا علشان التكييف ( زى ما نصحنى اعضاء اوبل فى المنتدى هنا)
تخيلوا فى ديافيا يقولوا ايه ؟؟؟
محتاجين نغير الشجرة و شوية حاجات كده بتكلفة 6300 جنيه
و بعدها هنقدر نشوف الكباس شغال و لا لأ
قولت طيب لو هو كمان طلع عايز يتغير هيكلفنى كام قالوا 3400
تخيلوا عشرة الاف جنيه علشان التكييف يشتغل ( قلتلهم ..... التكييف مش عايزه)
العربية بعد اكتر من واحد شافوها طلعت عايزة الأتى :
1- صيانة علشان الزيت اللى بينقط 500 جنيه
2- عصاية فتيس استيراد 1200 جنيه
3- كاوتش 2200 جنيه
4- دهان خارجى 2000 جنيه
5- مرايات جانبية 600 جنيه
----------------------
الإجمالى (بدون التكييف ) 6500 جنيه
بفرض ان التكييف ممكن يتلم عن ورشة برة التوكيل بــ 3000 جنيه

يبقى هتكلفنى فى حدود 10 الاف جنيه
و هى بالفعل كلفتنى لحد دلوقتى 60 ألف جنيه
يعنى هتبقى وقفت عليا بــ 70 ألف جنيه
تعملوا ايه لو مكانى
ابيع العربية على وضعها و تجيب اللى تجيبه (مع الإحاطة انى مش عايز اضحك على اللى هيشتريها و اقوله التكييف عايز يتشحن و اسيبه يلبس مصيبة التكييف بدالى ) .
ولا ابيعها و اقوله على عيب التكييف و ساعتها هتتباع بسعر فى الأرض.
ولا اصلحها و اصرف اللى قلت عليه و يبقى نصيبى كده فى سعر العربية و ابقى ركبت 2002 مانيوال بسعر 2003 اوتوماتيك 2000 سى سى .
بجد كرهت الأوبل
وبقيت مش عارف حتى لو بيعتها اشترى اوبل تانى ولا اعمل ايه
ولا حتى ما اشتريش مستعمل من اصله
لكن وقتها يا هتدبس فى اقساط يا هشترى لانوس ولا فيرنا ولا اسبيرانزا
محتاج نصيحة بجد
اخوكوا مخنوووووووووووووووووووووو ووووق

المشاركة الأصلية كتبت بواسطة tamertamer

للاسف انا شايف ان دة مجرد استغلال الحجات قلى سيتك بتقول عليها كبيرة 4 الف جنية دة كدة انا بزخت ملها الشجرة التيوانى ممتازة 250 ج وممتازة ومعزولة شغالة معاية سنتين مقلتش بم وحساس اة قلى 2000 جنية لا كدة فى حاجة راجع الاسعار

تامر باشا
انا معاك و حاسس بحاجة غريبة فى اسعار المصنعيات اللى بسمعها و تفسير للى فى العربية و كل واحد يعمل فاهم و يقول حاجة غير التانى
لو ممكن حد فعلا يساعدنى و يقولى على حد بيفهم و يكون اسعاره كويسه اوديله العربية يخلص اللى فيها
ده فعلا اللى انا محتاجه دلوقتى
عايز ميكانيكى كويس و بتاع تكييف