صيانة الالف للياريس

**KiNgMaX** · 30-09-2007 01:15 AM

الحمد لله خلصت 930 كم وإن شاء الله رايح صيانة الالف فى خلال يومين
ياريت حد يقولى ايه اللى هيحصل بالظبط وهل هحتاج حجز ولا إيه مع العلم انى فى أسكندرية
وانا كنت بشتكى من الفرامل ضعيفة شوية وبتصفر والتكييف فى الكام مرة اللى جربته فيهم حاسس ان تبريده ضعيف شوية خصوصا فى الشمس
وكنت عايز اعرف بطلع عدة الإستبن ازاى من تحت الكرسى
وشكرآ

**Sharky** · 30-09-2007 10:31 AM

بص يا باشا صيانة الألف دى ببلاش و لازم تحجز علشان تروح و دى مابيحصلش فيها حاجة غير إنهم بيكشفوا على العربية فقط و لو عندك شكوى لحاجة معينة بيشوفها

بالنسبة لعدة الإستين بتخرج إزاى بصراحة أنا كنت عارف لما إشتريتها بس علشان مجربتهاش خالص فنسيت :(
إنت ممكن تسألهم فى الصيانة و هما حيقولولك

**lord_n** · 30-09-2007 04:27 PM

شوف يا باشا
انا لسه عامل صيانه الالف للكورولا بتاعتى وهى عبارة عن تربيط عفشه وعمل كشف على مستوى الزيوت ومياه الردياتير وغسل السيارة من الخارج بالاضافة الى غسل الموتور وده مجانى بالكامل ولكن غسل الموتور هيكلفك 20 جنيه فى الصيانات المقبلة والكلام ده بالنسبة لصيانه مركز العباسية .... نسيت اقولك انك لازم تحجز اقبلها بثلاث او اربع ايام .
بالنسبة للتكيف قصد حضرتك ايه بانه ضعيف .... عالعموم انا لما باشغل التكيف لازم اشغله على 2 وده فى ايام الحر الشديد اما فى الايام العادية بتكون على 2 فى الاول ثم انزله على 1
وبالنسبة للفرامل لازم تقولهم عليها

وربنا يوفقك
:lol: