استفسار عن لادا 2107 موديل 2009

**nicolass** · 22-06-2009 02:45 AM

السلام عليكم
بعد ودوران على انى اشترى عربية يوذد فى الاخر قررت اجيب جديد بالقسط
وبعد تفكير قررت اجيب لادا برضة تستحمل تخبيط الشارع(بما انى لسة بتعلم سواقة) وقطع غيارها عند البقال زى ما بيقولوا ورخيصة نسيبا عن قطع غيار كيا بيكانتو(الى كان عينى عليها)
المهم
انا اتمنى اعرف عيوبها وميزتها بالظبط
وشوفت فى موقع كان حاطط اسراعها كالاتى

1.6 R/C C/L
48000

1.6 A/C C/L R/C
50500

1.6 A/C C/L R/C
51000

1.6 R/C C/L P/S A/C
53500

1.5 Basic Import
54500

بسال بقة يعنى اية basic import
واية افضلهم يعنى التكييف اصلا فيها قوى يستاهل ولا ضعيف والباور مهم فيها ولا لا لانه فارق فى السعر الفين جنيه
وهل الاسعار دى هى الى فى السوق فعلا ولا اقل ؟؟؟؟؟؟؟؟؟؟ ولا هيقلوا تانى على اول السنه عشان اتفاقية الجات ولا مجتش

وشكرا جدا ليكم

**Abdo_Eldesokey** · 22-06-2009 04:06 AM

عايز نصيحة أخوية ...

بلاش بلاش بلاش لادا ... انت مشفتش إعلان سبرايت " باى ... تراى .. مجانص .. وساونا في الصيف "

حتى لو العربية فيها باور وتكيف ... أنا شايف إنه حرام تدفع 50 ألف في عربية تصميمها بقاله أكتر من 30 سنة

ده غير إنها غير مريحة تماما ً عن تجربة وهتنزل منها ضهرك مكسر

وكده كده مفيش فيكي يا مصر دلوقتى عربية تستحمل الشوارع المكسرة

خليك في البيكانتو وابقى امشى بيها بالهداوة

**M.ABDEEN** · 22-06-2009 05:54 AM

بص يا باشا اللادا كان شديد زمان دلوقتي تجميع مصري وزي ما اتذكر الشكل تقليدي والكماليات برده مش هتكون قد كده بالاضافة للجري والتجميع اللادا تجميعها مش قوي ومدام هتشتري جديد يبقى خليك في حاجة تكون شكل وامكانيات جديدة

**blazer** · 22-06-2009 06:02 AM

يام تروح لحاجه زيرو بنفس الفلوس
ياما تشوف مستعمل حالته نضيفه احسن بجد من الادا

**nicolass** · 22-06-2009 09:50 AM

للدرجة دى العربية وحشة
!!!!!!!!!!!!!
شكرا بجد على النصيحه

**lada2010** · 22-06-2009 11:33 AM

هى لادا مش وحشة بس مفروض لكبير بتاعها زيرو 36 الف زى ما معمول للتاكسيات الجديدة

**NaviGator_13** · 22-06-2009 05:22 PM

خليك فى البيكانتو

**nicolass** · 23-06-2009 07:02 PM

شكرا ليكم
بس منين اجيب مستعمل كسر الزيرو دا ؟؟؟؟؟؟؟؟؟؟؟؟؟
وفى مكان بيبيعه بالتقسيط زى الجديد؟

**x_gomgom** · 25-06-2009 03:44 AM

انا مش عارف الناس كارها الادا لييييه؟؟؟
انا العربيه معايا ليها سنه و بسم الله ما شاء الله زي الفل (كمان انت لسه في الأول على كلامك الكيا هتبقي نااار عليك لو هتتعلم عليها)
عايزيين الحق هيا عربيه عفشتها تمام استهلاك بنزين بسيط (انا معايا 1600 كربراتير بتعمل 260 في الصفيحه) و كمان اعطلها شبه معدومه...
اما العيوب فهي دسك الدبرياج (كبيره معاك 40,000 و دا عن تجربه) و في عيب معروف عن الادا بعد عمر طويل الفتيس و ونه الكرونه (دا بعد 140,000 كيلو)و بيض الدركسيون(دا شيك عليه كل سنتين (انا معايا برضه نيفا 1993 روسي)
لكن كمجمل الادا 2017 سياره خدمه شاقه مش للرفاهيه... انا منصحش حد يجيبها باور او تكييف مشاكلها كتييييييييييييير...
لو بدور على تكييف و كدا ابعد عن الادا..... انزل شوف توكيل الأمل ...
ارجو ان اكون افدتك