حل نهائي لصوت المارش في الكليو

**medohai510** · 01-07-2009 10:29 AM

السلام عليكم،،،
منذ لما أشتريت العربية من حوالي سنة ونص وأنا كل ما أدورها أسمع صوت بعد التدوير مباشرة لمدة 2ثانية فقط ولما كتبت عن هذا الموضوع وجدت أن ناس كتير عندها نفس الصوت لكن لا أحد يهتم به.
يوم الجمعة السابق طلعت في دماغي أني أروح لكهربائي وأحل المارش وأشوف فيه أيه، رحت للكهربائي وقلتله حل المارش ونضفة وشيك علي الشربون والأوتومتيك وكدة وفعلاً حل المارش وسحب من العربية 2 لتر بنزين(92) وفك المارش حته حته (المارش من جوه كان كلة تراب وبلاوي) وحطه في علبة وفرشة تنظيف وهاتك يا نظافة وبعد كدة ركب يا عم.
النتائج:
صوت المارش يكاد يكون منعدم
التدوير سريع
لا يوجد صوت نهائياً بعد التدوير (السيارة باردة أوساخنة)
فبرجاء لو حد عنده الصوت هذا يحل المارش وينظفة وسوف يلاحظ فرق رهيب وشكراً

**Ahmed Selim** · 01-07-2009 10:31 AM

ألف مبروك يا باشا بس يا ريتك كنت صورت الموضوع ده و رفعت الصور.

**Cell_k** · 01-07-2009 03:41 PM

السلام عليكم

شكرا على المعلومة القيمة و فعلا كانت فى بالى بقلها فترة و عايز اعملها

ياريت تقولنا فى الكهربائى ده علشان نروح ننجز موضوع المرش الرخم ده .

**ramy_gamal** · 01-07-2009 09:52 PM

لو سمحتوا سؤال بسيط انا عندى صوت طلمبه البنزين عالي شويه ورحت عند الميكانيكى وعمل تست ل الطلمبه وقالى طغتها كويس جدا وماتقلقش هل دة عادى في الكليو؟

**medohai510** · 02-07-2009 10:27 AM

المشاركة الأصلية كتبت بواسطة ahmed a.maksoud

ألف مبروك يا باشا بس يا ريتك كنت صورت الموضوع ده و رفعت الصور.

والله للأسف لا يوجد صور والله يبارك فيك يا أحمد باشا

**medohai510** · 02-07-2009 10:32 AM

المشاركة الأصلية كتبت بواسطة عمرو عمارة

الله ينور يا محمد باشا :ta_clap[1]:

أنا فعلاً صوت المارش سعات بيظهر عندي والعربية باردة صباحاً فقط

الكهربائي الي عملت عنده نظيف ؟؟....لو كده فين ؟؟

الله ينور عليك يا عمور الفك والتركيب سهل جداً لا تخاف ولا تقلق
الكهربائي أسمة الأسطي صبحي في شارع ترعة الجبل أمام محطة مترو المطرية
440 شارع ترعة الجبل أمام موقف أتوبيس 43

**medohai510** · 02-07-2009 10:35 AM

المشاركة الأصلية كتبت بواسطة cell_k

السلام عليكم

شكرا على المعلومة القيمة و فعلا كانت فى بالى بقلها فترة و عايز اعملها

ياريت تقولنا فى الكهربائى ده علشان نروح ننجز موضوع المرش الرخم ده .

توكل علي الله وحلة ونظفة العملية سهلة وبسيطة وأخذ 30 جم و2 لتر بنزين

-

الموضوع: حل نهائي لصوت المارش في الكليو

LinkBack

أدوات الموضوع

عرض

حل نهائي لصوت المارش في الكليو - انشر الموضوع فى :

-

-

-

-

المواضيع المتشابهه

خبايا الكليو ( تجربتى مع الكليو 5 سنوات ) تكملة 2

محتاج حل لصوت تيل الفرامل

سؤال بخصوص المارش و اتوماتيك المارش (جين 2 )

أفادة لصوت السماعة

الى كل خبراء الكليو فى المنتدى وخاصا ليمو باشا خبير الكليو

الكلمات الدلالية لهذا الموضوع

المفضلات

المفضلات

ضوابط المشاركة