الموضوع: اسعار السوق لل 2105 و 2107

[gdwl]وعليكم السلام ورحمة الله وبركاته[/gdwl]

اهلا وسهلا بيك اللادا دلوقت بالفعل فى مغالاة فى اسعار بيعها بس السوق كله كده وانزل سوق السيارات بالقاهرة هتلاقى طلبك المعروض كتير بس يكون معاك حد فاهم بالنسبة للادا 2105 لو حالتها جيدة جداً يعنى محرك وبودى العربية سليم من مو 92 الى مو 95 تعمل من 24 لـ 26 الف وحالتها بتكون محترمة المحرك اكيد بيبقى معمولها عمرة او نص عمرة واكيد بتكون مرشوشة من الخارج فقط لان خد بالك من البارومة لانها بتسرح فى العربية فوق ما تتخيل فى الرفارف والاعتاب والابواب ومكان الاستبن ده اللى اعرفه عن اللادا 2105 اما الـ 2107 معرفش بصراحة الاسعار وربنا يوفقك للافضل وشكراً .

المشاركة الأصلية كتبت بواسطة bassoma

شكرا اخى تامر ولكن انت برده بتقلى اسعار مش معقوله انا فى الاسكندرية هنا الاسعار لموديلات 2105 حتى سنة 95 بتتراوح الاسعار من 19000 الى 24000 وده طبعا على حسب حالتها وكنت كمان بدلع على البائع ومش عايز اشتريها منه لغلوها وكانوا بعد كده بيوافقوا على الاسعار دى ........

على الرغم ان عربيات اللاا فى السوق كتير جدا وخصوصا المستعمل انا صابر للنهاية حتى ربنا يرزقنا بالعربية اللى هتكون من نصيبنا ان شاء الله

دى وجهة نظرك من خلال المشاهدة للمعروض فى السوق وانا احترمها بس عايزك تقولى انا عربيتى دى مواصفاتها ولو بعتها هطلب 26.000 جنيه
السيارة لادا 2105 مو 1992 .
اللون : احمر حالة الدهان دهان جديد بالكامل دوكو فرن رشة خوارج فقط دواخل المصنع .
المحرك : لسه عامله عامرة كاملة من 5 شهور ومغيرببساتم ks المانى وطقم شمبر المانى المحرك قبل العمرة كان عامل 98000 كم ودلوقتى وصل 113000 كم ده عدادها الحقيقى مشاويرى داخل السويس فقط الكردان والكرونة الاصليين بحالة جيدة جداً بشهادة الميكانيكى .
البطارية : جديدة من 6 شهور بالضمان كلوريد سائلة (اسبراتير جديد موبينة جديدة ).
الردياتير : المونيوم تم تركيبه من 3 اسابيع والتبريد ممتاز ومفيش سخونة.
الكاوتش : 5 فرد bridgestone يابانى جديدة بقالهم 6 شهور .
العفشة : تم تجديدها بالكامل مساعدين المانى ويايات ايطالى ومعظم المحتويات ايطالى او المانى والعفشة ناعمة جداً .
دواخل :
فرش داخلى جديد جلد خامة كويسة جداً
فرش ارضية جلد جديد اسود وجلد الارضية الاصلى كما هو بحالته الاصلية فرش الابواب والسقف والتابلوه بحالته الاصلية .
طقم دواسات جديد
سنتر لوك

كاسيت سى دى بايونير جديد وسماعات كينوود 300 وات وجى ام .
فوانيس خلفية كريستال
ارجو انى اكون شرحت شرح وافى واشكرك جزيلا . 2 زجاج كهرباء امامى