تكييف الكليو

**ramy_gamal** · 10-07-2009 12:48 PM

اول الصيف كنت بشغل التكييف ولاقيته موش عامل حاجة رحت عشان اشوف فيه ايه لاقيته مفهوش فريون خالص المهم كشفنا على كل المواسير وملاها هواء مفيش اي تسريب المهم شحن التكييف ودلوقتى شغال كويس بس انا ليه ملاحظه وياريت لو حد عند خبرة يقولى....
وانا مشغل التكييف خرطوم الفايز مبيجبش ميه خالص ( السنه اللى فاتت كان بيجيب ميه عادى )رحت ل الراجل اللى شحنه قالى مفيش مشكله لان مفيش ميه نازلة فى الصالون...
روحت لواحد تانى قالى الميه معرقه على المواسير نفسها وحاجة تانيه الميه نازلة على ستارة الموتور ... هل دة صح؟
وكمان واحد صحبى كان في توكيل غبور مع عربيته سئل هناك على الموضوع دة قالوله عشان الشحن لسه جديد موش هيجيب ميه دلوقتى .... هل دة صح؟
التكييف شغال كويس بس لوحد يقدر يطمنى اكون شاكر جدا
وكمان هى الكليو 1200 فيها فلتر تكييف ؟ ولو فيها مكانه فين؟

**ramy_gamal** · 13-07-2009 09:11 PM

امبارح الجو كان حر جدا ورطوبه جدا هنا فى اسكندريه وانا نازل من الشغل كانت العربيه واقفه فى الشمس شغلت التكييف على 2 اخدت وقت على ما العربيه ابتدت تتحسن وبعدين اللى قاعدين ورا كانو موش مرتاحين اوى المهم عملته على 3 اتحسن .... هل عادى فى الجو دة اعملة على 3 ولا التكييف عايز ظبط؟؟؟؟

**Ahmed Selim** · 13-07-2009 09:20 PM

المشاركة الأصلية كتبت بواسطة r_gamal1

امبارح الجو كان حر جدا ورطوبه جدا هنا فى اسكندريه وانا نازل من الشغل كانت العربيه واقفه فى الشمس شغلت التكييف على 2 اخدت وقت على ما العربيه ابتدت تتحسن وبعدين اللى قاعدين ورا كانو موش مرتاحين اوى المهم عملته على 3 اتحسن .... هل عادى فى الجو دة اعملة على 3 ولا التكييف عايز ظبط؟؟؟؟

أنا فى الصيف على طول مشغله الصبح على 3.............بالليل على 2

3 أو 2 أو 4 ده قوة دفع الهوا داخل العربية فقط لا غير

جرب برضه تبص بصة على فلتر التكييف جايز يكون مسدود شوية و بيأثر على قوة الهواء اللى بيخرج من فتحات التكييف.

**lion99990** · 13-07-2009 11:22 PM

واللهى انا نفسى اعرف الموضوع ده برضه هيا الكليو بجميع موديلتها مفيهاش فلتر تكييف و لا فيها انا قالى المهندس حسام انى الكليو مفهاش بس ممكن يتركبلها وانا مش فاهم النقطه ديه و مش قادر استوعب ازاى ميبقاش فيها فلتر تكييف امال الهوا اللى داخل ده بيكون كل التلوث فيه و لا العربيه فيها نظام فلتره تانى بصراحه انا مش فاهم ده
ياريت توضيح

**ramy_gamal** · 13-07-2009 11:32 PM

وانا بشحن التكييف المهندس قالى مفيهاش وقالى عربيات كتير حديثه كدة برضه انا ساعتها مصدقتوش بس انا كدة اتاكت من كلامك ان مفيهاش فلتر تكييف بس موش عارف لو انا ماشى فى جو كله تراب هيحصل ايه هل التراب كلة يدخل العربيه...
ياريت لو حد عندة معلومه عن الموضوع دة يفدنا ومتشكر جدا

**Amr_Moh** · 14-07-2009 12:40 AM

الكليو مفهاش حسب منا فاهم عشان كدة يفضل تشغل التكييف على الدورة المغلقة داحل السياره

**kimo** · 14-07-2009 11:29 AM

[QUOTE=r_gamal1;959411]وانا بشحن التكييف المهندس قالى مفيهاش وقالى عربيات كتير حديثه كدة برضه انا ساعتها مصدقتوش بس انا كدة اتاكت من كلامك ان مفيهاش فلتر تكييف بس موش عارف لو انا ماشى فى جو كله تراب هيحصل ايه هل التراب كلة يدخل العربيه...
ياريت لو حد عندة معلومه عن الموضوع دة يفدنا ومتشكر جدا[/QUOT

الكليو مفيهاش فلتر هواء للتكييف ودى بتسبب مشكلةقليل من متخصصين التكييف يخدو بالهم منها وهى ان التراب اللى موجود فى الجو بيمر على المبخر (الثلاجة- Evaporator ) وفى عملية التبريد بيكون المبخر دة موجود عليه مياه نتيجة تكثيف بخار الماء من الهواء وتراب +مياة=طين دة موجود على المبخر ودة بيقلل مرور الهواء وعملية التبريد انا بنفسى فكيت مروحة التكييف ووصلت للمبخر بمعلومات من الاخ عمرو عمارة وقمت بعملية غيسل للمبخر بالماء والبريل وقبل ذالك الهواء المضغوط

**عمرو عمارة** · 14-07-2009 01:44 PM

جميع الكليو السيدان الي بتنزل الشرق الأوسط لا يوجد بها فلتر تكيف للأسف ( عشان إحنا أقل شوية في الأدمية )

ده مكان فلتر التكيف الي مفروض يركب فيه الفلتر......للأسف متبرشم وكأنه قطعة واحدة!!.....ولما نفك الموتور بتاع المروحة الي على الشمال هنلاقي مفيش فلتر راكب

ودي النسخة الي بتنزل في أوربا ( هاتش باك طبعاً )

مؤخرا كان في مشوارات بيني وبين كيمو باشا عشان نجيب فلتر ونقصهُ على قد المكان ده ونوجد طريقة لفك الجزء المتبرشم ده وإن شاء لما نوصل لحل قاطع هنبلغكم بالمفيد

الصورة الأولى من عربيتي......التانية والتالتة أروبي......شيفين فرق النظافة في الجو ....على رأي هاني " الفلتر طالع من مقبرة فرعونية "

**Ahmed Selim** · 14-07-2009 02:30 PM

أسف يا وحوش على سوء الفهم......

التخصص يفرق برضه :)

الموضوع: تكييف الكليو

LinkBack

أدوات الموضوع

عرض

-

-

-

-

المواضيع المتشابهه

تكييف الكليو فصل

خبايا الكليو ( تجربتى مع الكليو 5 سنوات ) تكملة 2

فلتر تكييف الكليو

الى كل خبراء الكليو فى المنتدى وخاصا ليمو باشا خبير الكليو

أركب تكييف للجولف فين (عايز تكييف جولف أصلي إستيراد)

الكلمات الدلالية لهذا الموضوع

المفضلات

المفضلات

ضوابط المشاركة