الموضوع: الى الاخوه ملاك اللوجان !!!!!!!!!

انا عامل 25000 والعربيه الحمد لله ماشيه عال العال ( بس انا عربيتى الرومانى الشكل القديم )
مفيش اى مشاكل غير الرفايع اللى بيتكرر الكلام عليها
زنة الموتور , رعشة الفتيس
مفيش مشاكل تذكر الحمد لله

اولا مبروك
ثانيا و اضح ان حضرتك مستعجل قوى على المعلومة لدرجة انك مدورتش كويس :) اتفضل حضرتك التقيمات من المنتدى و فى غيرها اكيد تانى

http://www.nilemotors.net/Nile/a/33824-_.html
http://www.nilemotors.net/Nile/a/34629-1300.html
http://www.nilemotors.net/Nile/a/38729-7000.html
http://www.nilemotors.net/Nile/a/42836-10000.html


اى خدمة :)

انا معايا لوجان mcv و حاليا عامله 12500 كم

العربية ما شاء الله فوق الممتازة
الأداء اتحسن كتير جدا
صوت الموتور هدي و ما بقاش زي الأول
استهلاك البنزين لسه لغاية دلوقتي مش عارف احسبة كويس و بصراحة انا مش مظبط مود القيادة بتاعي
يعني ساعات تلاقيني هادي و ماشي 80 -90 و بالكتير جدا 100 في التخطي و لكنه في المتوسط 270 كم / ص
و احيانا ببقي مجنون شوية و بشد بسحب مع العربية مع عربيات تاني و الحمدلله العربية ممتازة و يعتمد عليها
بس بصراحة نفسي ابطل التهور و اتعامل مع العربية بهدوء اكتر
يمكن انا كنت بحاول اكتشف العربية و اقيس ادائها مقارنة بعربيات تاني زي الفيرنا و للانوس و الأوبيترا و النوبيرا و الحمد لله ادائها مقنع تماما

طبعا من الناحية العملية العربية دي كل يوم قيمتها بتزيد في نظري و بحمد ربنا انه وفقني لإختيارها
و بصراحة انا بنصح اي حد عاوز عربية عائلية 7 راكب و اكتر كمان انه يشتري لوجان

من ناحية المشاكل بصراحة انا اول مرة اسمع عن مشكلة هزة الفتيس و زنة الموتور دي و ما حصلتش عندي
بس بصراحة انا لما كنت بعمل صيانة ال 10000 كان فيه عربية لوجان سيدان و كانت لسه عاملة 5000 كم و لاحظت فيها هزة مش ظريفة في الفتيس بس كانت مغربي مش روماني و اكن صاحبها لسه ما شغلش التكييف و الدنيا كانت موت و حر شديد و لما بقوله انت ليه مش مشغل التكييف قاللي لسة العربية ما عملتش 10000 كم زي ما قالوللي في التوكيل و انا هبيت في وشة و قله نعم يا حاج
10000 كم دا التكييف يكون باظ من الركنة

المهم نرجع لموضوعنا
العربية الحمد لله تمام كل اللي انا اشتكيت منه كانت رعشة الموتور و دي تقريا راحت و انا تعودت عليها و بقيت ازود شوية في الضغط عالبنزين في الطلعة و اختفت و هي اصلا ما كنتش بتظهرش الا في تشغيل التكييف و تحميل العربية شوي
دلوقتي الحمد مش موجودة خالص
و المشكلة التانية هي جوز المرايات الجانبية مبقاش يتحرك من الدراع الجانبي اللي بيوجهها و بقت ثابتة في وضع واحد و بلغت بيها الصيانة و خلاص هيتغيروا ضمان الأتنين و تقريبا اكتر من شكوي كانت في المرايات و الظااهر انها فيعا عيب معين في ميكانيزم التوجيه بتاعها و هما عرفوا كدا و بيغيروها في الضمان

بس هي دي تجربتي مع اللوجان لغاية دلوقتي

تصبحوا علي خير